„Við leysum þetta ekki með upphrópunum í fjölmiðlum,“ segir Kristleifur Andrésson, stjórnandi öryggis- og umhverfismála hjá United Silicon, spurður um ummæli Bjartar Ólafsdóttur umhverfisráðherra um að Umhverfisstofnun ætti að loka kísilverksmiðjunni United Silicon í Helguvík. 

Frétt af mbl.is

Björt: „Nú er komið nóg“

Kristleifur bendir á að Umhverfisstofnun sé eftirlitsaðili með verksmiðjunni og að hún hafi vald til að loka henni.

Eldur braust út í verksmiðjunni í nótt. Ekki er vitað hver eldsupptök eru en rannsókn stóð yfir í dag og verður henni haldið áfram á morgun. 

Fresta þurfti komu norskra sérfræðinga í verksmiðjuna um einn dag en þeir hyggjast rannsaka starfsemina og reyna að finna út úr því hvernig hægt er að koma í veg fyrir lyktarmengun sem leggst yfir nágrennið þegar kveikt er á brennsluofnunum.

„Þeir ætla að reyna að hjálpa okkur við að leysa þetta lyktarvandamál. Tvö innlend fyrirtæki hafa einnig verið að aðstoða okkur við að leysa þetta,“ segir Kristleifur og bætir við: „Þetta er flóknara en við héldum.“

Tengdar fréttir

Kísilverksmiðja United Silicon í Helguvík

Óttast að kröfur fyrnist vegna seinagangs í rannsókn

• Dæmt til að borga 217 milljóna lán
• Arion segir þrjá kosti í stöðunni
• PCC skoðar kaup á kísilverksmiðjunni í Helguvík
• Gjaldþrotið byggir á 1,8 milljarða kröfu

» Fleiri tengdar fréttir

• Blogga um frétt