„Ælufarþegum“ ekki hleypt í fríhöfnina

Boeing 737-800 farþegaþota flugfélagsins Primera Air.
Boeing 737-800 farþegaþota flugfélagsins Primera Air.

„Þetta var náttúrlega hræðilegt flug,“ segir listamaðurinn Pétur Gautur Svavarsson í samtali við mbl.is. Pétur var farþegi í vél flugfélagsins Pri­mera sem kom frá Teneri­fe og átti að lenda í Keflavík fyrr í vikunni, en þurfti að lenda á Eg­ils­stöðum vegna veðurs.

Margir farþeganna urðu veikir um borð í vélinni vegna ókyrrðar og fengu svo ekkert að borða þegar komið var til Egilsstaða. Til að bæta gráu ofan á svart var þeim síðan ekki hleypt í fríhöfnina þegar vélin lenti í Keflavík daginn eftir.

Frétt mbl.is: „Þetta var óskemmtileg lífsreynsla“

„Það er alveg rétt að halda því til haga að hefði flugstjórinn bara beðið með að fara í loftið í klukkutíma þá hefðum við lent örugglega í allt í lagi veðri í Keflavík,“ útskýrir Pétur. Það var ekki gert og ákveðið að fara af stað frá Tenerife á mánudaginn. „Það vita allir sem eru læsir að veðrið er hræðilegt heima og átti að vera hræðilegt á þessum tíma. Þegar hún fer að lækka flugið til Keflavíkur verður hristingurinn í flugvélinni hræðilegur og hún dettur niður sem er alveg versta tilfinning sem maður finnur, eins og hún falli niður um nokkra metra,“ bætir hann við.

Við ókyrrðina fór illa í maga margra farþeganna og telur Pétur að um 20% farþeganna hafi þurft að kasta upp í vélinni. „Ég held hún reyni tvisvar, þrisvar að lenda en síðan er farið til Egilsstaða,“ segir Pétur, en ekki var ballið búið enn eftir að vélin lenti á Egilsstöðum.

Ekkert til að borða á hótelinu

„Það tekur náttúrulega tíma að koma næstum 200 manns í koju á Egilsstöðum og ég held að við höfum verið komin upp í rúm svona þremur tímum seinna. Við vorum í hóteli sem er sumarhótel og er uppi á Hallormsstað, 30 eða 40 km frá Egilsstöðum,“ útskýrir Pétur.  Þá voru allir orðnir þreyttir og svangir en þá var fólkinu tilkynnt að ekkert matarkyns væri að hafa á hótelinu. 

Listamaðurinn Pétur Gautur.
Listamaðurinn Pétur Gautur. mbl.is/Golli

„Það fóru sem sagt allir í rúmið, svangir og þyrstir og ég er að tala um fólk sem var búið að æla og við flest vorum örugglega búin að missa nokkra lítra af svita,“ segir Pétur en mjög heitt var orðið um borð í vélinni. „Við vorum öll að kafna úr hita í lendingunum og ég hef aldrei á ævinni svitnað eins mikið eins og þarna í sætinu. En það var bara boðið upp á kranavatn.“

Þá segir hann að eflaust hefðu einhverjir farþeganna þurft á áfallahjálp að halda en hann segist til að mynda hafa hitt fjölskyldu sem sagði við komuna til Egilsstaða að þau hygðust taka bílaleigubíl og keyra til Reykjavíkur, þau muni aldrei stíga upp í flugvél framar eftir þessa lífsreynslu.

Virðuleg gamalmenni breyttust í óargadýr

Morguninn eftir var farþegunum ekið á Icelandair-hótelið á Egilsstöðum þar sem boðið var upp á fínan morgunmat að sögn Péturs en flogið var með sömu vél aftur til Keflavíkur klukkan eitt „Þá tekur við okkur þegar við lendum maður frá Isavia og segir kokhraustur að þar sem við erum að koma frá Egilsstöðum þá höfum við ekki rétt á að fara inn í fríhöfnina,“ segir Pétur.

Þá var mörgum farþeganna ekki skemmt en þeim var tilkynnt að samkvæmt íslenskum tollalögum væri þeim óheimilt að versla í fríhöfninni, þar sem strangt til tekið væru þau að koma úr innanlandsflugi. „Ég sá virðuleg gamalmenni breytast bara í hálfgerð óargadýr. Þau sögðu; „þið getið ekki tekið það af okkur, að mega ekki fara í fríhöfnina.“.“

Stóðu vörð í gulum vestum

Farþegarnir voru keyrðir að komusal flugstöðvarbyggingarinnar þar sem farangur þeirra kom á færibandið hvað lengst frá verslun fríhafnarinnar. „Svo standa Isavia-menn í gulum vestum og varna okkur að við komumst nálægt fríhöfninni,“ segir Pétur. „Passa að þessir ælufarþegar frá Tenerife, sem eru búnir að vera á ferðalagi í næstum sólarhring, að þetta er akkúrat liðið sem skal passa sig á að fari ekki inn í fríhöfnina.“

„Mér finnst þetta bara svo mikið óréttlæti að koma svona fram við fólk sem er búið að vera að lenda í þessum hrakningum, að fá þetta í þokkabót, að taka tollinn af fólki, löglegan toll [...] Fyrst að þetta er málið, af hverju var ekki búið að opna þá fríhöfnina á Egilsstöðum sem er þá til staðar?“

Sjálfur hafði Pétur keypt sinn toll í fríhöfninni á Spáni en það höfðu fæstir farþeganna gert. „Það hefði verið frábært ef við hefðum fengið að fara í fríhöfnina á Egilsstöðum, þá hefðum við getað keypt okkur vistir til þess að fara með upp á herbergi, þó ekki væri nema vatn eða kók eða Snickers eða eitthvað. Sumir voru ekki með neitt,“ segir Pétur að lokum.

mbl.is

Innlent »

Ríkisstjórnin með 27,2% fylgi

11:30 Stuðningur við ríkisstjórnina mældist 27,2% í nýrri könnun MMR á fylgi stjórnmálaflokkanna. Í júlí var ríkisstjórnin með 34,1% fylgi. Sjálfstæðisflokkurinn mældist með mest fylgi íslenskra flokka eða 24,5% sem er tæpum 5% minna en í síðustu könnun. Meira »

Í annarlegu ástandi á hóteli

11:24 Óskað var eftir aðstoð lögreglu vegna manns í annarlegu ástandi í anddyri hótels í miðborg Reykjavíkur laust fyrir klukkan hálfsjö í morgun. Maðurinn var ekki gestur á hótelinu. Hann var farinn þegar lögreglan kom á vettvang. Meira »

Kennsla felld niður vegna magakveisu

11:20 Fella þurfti niður kennslu í sex bekkjum á miðstigi í Hörðuvallaskóla í Kópavogi í morgun vegna magakveisu sem geisar á meðal starfsfólks skólans. Meira »

Hvað á að hafa í huga við hamfarir?

10:58 Íslendingar búa við stórfelldar hættur, eins og jarðskjálfta, snjóflóð og eldgos, sem fólk þarf að takast á við daglega en þó að það sé hægt að spá fyrir um náttúruhamfarir getur verið erfitt að sjá fyrir afleiðingar þeirra. Meira »

Grímunni líklega stolið á Menningarnótt

10:56 „Þegar við komum heim frá Amsterdam rákum við augun í að gríman var horfin,“ segir Viðar Eggertsson leikstjóri í samtali við mbl.is. Vegggrímu, sem hafði prýtt stöpulinn við garðshlið Viðars og eiginmanns hans, Sveins Kjartanssonar, var stolið á Menningarnótt eða nóttina áður. Meira »

Nóró-veira útilokuð í Hvassaleiti

09:54 Unnið er að sótthreinsun í Hvassaleiti, annarri af tveimur starfsstöðvum Háaleitisskóla, eftir að meira en helmingur starfsfólks veiktist af magakveisu. Að sögn Hönnu Guðbjargar Birgisdóttur, skólastjóra Háaleitisskóla, er búið að útiloka að um nóró-veiru sé að ræða. Meira »

Bílhræ skilin eftir hér og þar

08:18 Verktakar á vegum heilbrigðissviðs Reykjavíkurborgar munu fjarlægja ónýta bifreið sem staðið hefur á bílastæði Tækniskólans – skóla atvinnulífsins við Háteigsveg. Meira »

Gefa húsnæði undir leikskóla

09:13 Fasteignafélögin Heimavellir og Ásbrú íbúðir færa í dag Reykjanesbæ húsnæði að gjöf undir nýjan leikskóla að Ásbrú. Fram kemur í fréttatilkynningu að húsnæðið henti vel til leikskólastarfs en þar hafi áður verið samkomuhús á gamla varnarliðssvæðinu. Meira »

H&M-auglýsingin með öll tilskilin leyfi

07:57 Jón Halldór Jónasson, upplýsingafulltrúi hjá Reykjavíkurborg, segir að verslunin H&M sé með afnotaleyfi fyrir auglýsingu á borgarlandi Reykjavíkur. Meira »

Pysjutíminn að hefjast í Eyjum

07:37 „Pysjutíminn er rétt að byrja, ég spái því að fjörið nái hámarki um miðjan september,“ segir Margrét Lilja Magnúsdóttir, safnstjóri Sæheima í Vestmannaeyjum, í Morgunblaðinu í dag. Meira »

Njótið á meðan það varir

07:24 Veðurfræðingur á Veðurstofu Íslands mælir með því að fólk sunnan- og vestantil á landinu reyni að njóta veðursins sem í boði er þar sem á föstudag og yfir helgina breytist veðrið talsvert mikið með suðaustlægri átt og rigningu. Meira »

„Var ekki ölvaður þá“

06:11 Ofurölvi maður var handtekinn við Skjólbraut í Kópavogi á tíunda tímanum í gærkvöldi en hann er einnig grunaður um að hafa valdið umferðaróhappi fyrr um daginn. Maðurinn segist ekki hafa verið orðinn ölvaður þegar það varð. Meira »

Fimmtánfalt fleiri gestir

05:30 Mikil fjölgun hefur orðið á ferðamönnum sem sækja í náttúrulaugarnar í Reykjadal upp af Hveragerði. Nú koma árlega um 120 þúsund gestir í dalinn en voru átta þúsund árið 2010. Fjölgunin á þessu tímabili er fimmtánföld. Meira »

Geirfinnsmálið til Hæstaréttar

05:30 Guðmundar- og Geirfinnsmálið er formlega komið til meðferðar hjá Hæstarétti enn á ný.   Meira »

Andlát: Oddur Ólafsson

05:30 Oddur Ólafsson blaðamaður lést 19. ágúst síðastliðinn, 84 ára að aldri. Oddur fæddist 28. júlí 1933.   Meira »

„Hefur hvergi gefist vel“

05:30 „Það hefur hvergi gefist vel,“ segir Gylfi Arnbjörnsson um þá staðreynd að opinberir starfsmenn leiða launaþróun á íslenskum vinnumarkaði. Meira »

Boðuð lækkun á afurðaverði váboði

05:30 Boðuð lækkun á afurðaverði fyrir dilkakjöt í haust um allt að 35%, til viðbótar við tíundarlækkun í fyrra, er váboði fyrir bændur víða um landið. Váin er mikil á Ströndum þar sem sauðfjárbúskapur er undirstaða og að fáu öðru er að hverfa. Meira »

Reikna vísitölur fiskistofna

05:30 Fiskifræðingar frá Íslandi, Færeyjum, Grænlandi og Noregi funda nú í Reykjavík um ástand uppsjávarstofna í Norðaustur-Atlantshafi. Fundurinn er haldinn í kjölfar árlegs rannsóknarleiðangurs sem farinn var fyrr í sumar. Meira »
Viðhald fasteigna
Við þjónustum þig með lítil sem stór verk. Tímavinna eða tilboð. sími: 544-44...
Til sölu
LA-Z-BOY hægindastóll með mosagrænu mjög góðu áklæði, 5 ára, vel með farinn. Ver...
HANDRIÐ _ SMÍÐUM OG SETJUM UPP
Þú finnur yfir 1000 myndir á FACEBOOK-síðunni okkar, Magnús Elías / Mex bygginga...
Framlenging á brunn og lok og hringur
Framlegnging á 60 cm skolpbrunn, einnig brunnlok, þolir mikinn þunga og rammi eð...
 
Framkvæmdastjóri dómstólasýslunnar
Önnur störf
Framkvæmdastjóri dómstólasýslunnar Stj...
Félagsstarf
Staður og stund
Árskógar Opin smíðastofa kl. 9-15. Opið ...
Framhald uppboðs
Nauðungarsala
Uppboð Einnig birt á www.naudungarsolu...
Vélavörður
Sjávarútvegur
Vélavörður Vísir hf. óskar ef...