Vespan hans Brynjars Karls Birgissonar sem var stolið við Langholtsskóla á dögunum er komin í leitirnar. Faðir hans, Birgir Tryggvason, greindi frá þessu á Facebook-síðu sinni. Hann vill þakka lögreglunni og öllum sem aðstoðuðu við leitina.
Í fljótu bragði virðist vespan ekki vera skemmd en Brynjar fékk hana í fermingargjöf nýverið.
„Þetta mál er svo erfitt og sorglegt á svo margan hátt og er því hvergi nærri lokið.“ Þetta segir Birgir meðal annars í færslunni.