Einhyrningur nýtur heimsfrægðar

Smal­ar héldu að Ein­hyrn­ing­ur væri geithaf­ur.
Smal­ar héldu að Ein­hyrn­ing­ur væri geithaf­ur. Ljósmynd/Erla Þórey

„Hann er frægasti hrútur Íslands, það er alveg á hreinu,“ segir Erla Þórey Ólafsdóttir, bóndi í Hraunkoti í Landbroti og eigandi hrútsins Einhyrnings. Einhyrningur hefur síðustu klukkustundirnar komist í heimsfréttirnar fyrir einstakt útlit sitt en aðeins eitt myndarlegt horn, eða tvö samvaxin, eru á höfði hans.

Viðtalið við Erlu, sem Kristín Heiða Kristinsdóttir, blaðamaður á Morgunblaðinu tók og birti í síðustu viku, og var þýtt á ensku á Iceland Monitor, hefur vakið mikla athygli og hver fjölmiðillinn á fætur öðrum hefur sagt frá hrútnum. Þannig hafa BBC, Daily Mail, Machable, News Week og Yahoo7 News birt fréttina. Hún hefur einnig birst í mexíkóskum og þýskum fjölmiðlum svo dæmi séu tekin.

Ævintýraleg athygli

Erla segir þessa athygli hafa komið skemmtilega á óvart. Hún hafi þó ekki stigið Einhyrningi til höfuðs. Hann haldi áfram sínu daglega lífi í fjárhúsinu eins og ekkert hafi í skorist.

„Ég átti alls ekki von svona miklum viðbrögðum, langt í frá,“ segir Erla hlæjandi þegar blaðamaður mbl.is sló á þráðinn til hennar í morgun. „Ég hef bara gaman að þessu, þetta er ævintýri. En ég er svolítið hissa!“

Miðju­börn­in í systkina­hópn­um í Hraunkoti, Bjarni Dag­ur og Ólöf Ósk ...
Miðju­börn­in í systkina­hópn­um í Hraunkoti, Bjarni Dag­ur og Ólöf Ósk Bjarna­börn, gauka heyi að Ein­hyrn­ingi. Ljósmynd/Erla Þórey

Einhyrningur fæddist með samvaxin horn í fyrravor. Hann fór eins og önnur lömb til fjalla í fyrrasumar en skilaði sér ekki í leitum í haust. „Við vorum satt að segja búin að steingleyma honum þegar hann kom til byggða í eftirleit skömmu fyrir jólin,“ sagði Erla í Morgunblaðinu í síðustu viku. Fyrir vikið varð hann sér úti um lengra líf en flestir þeir lambhrútar sem komu í heiminn á sama tíma og hann síðasta vor, þeir fóru í slátur hús í haust að loknum réttum.

Frekar rýr en í góðum gír

Einhyrningur er frekar rýr að sögn Erlu, mögulega frá náttúrunnar hendi. Hann hefur þurft að eiga við hina hrútana í fjárhúsinu, eins og gengur og gerist, en sökum hornsins hefur hann átt erfiðara en aðrir með að verja sig. Erla segir hann samt hafa það ágætt og að hann virðist ekki þjakaður eða þjáður vegna sköpunar sinnar. Hann sé duglegur að éta og berst eins og hinir hrútarnir að komast að garðanum og fá sér hey. „Hann er ekkert útundan, þannig séð. En á fengitímanum þá fékk hann smá skrámur í samskiptum sínum við hina hrútana.“

En Einhyrningur, eins sérstakur og hann er, er ekki vænlegur til undaneldis og því stóð til að fella hann í haust.

Erla segir að vel komi til greina að selja einhverjum Einhyrning, sýni því einhver áhuga. Að ýmsu verði þó að huga þar sem sauðfjárvarnir séu strangar í landinu. „Ég hef ekkert hugsað mikið um þetta, hvort þetta sé mögulegt. Matvælastofnun verður að svara því.“

Erla segir að sökum frægðar Einhyrnings sé ef til vill ekki skrítið að fólk velti því fyrir sér hvort að hægt sé að leyfa honum að lifa. „Ég skil vel að einhverjir vilji að Einhyrningur fái framhaldslíf.“

Einhyrningur. Hann hefur skrapast í framan eftir barning hinna hrútana.
Einhyrningur. Hann hefur skrapast í framan eftir barning hinna hrútana. Ljósmyndir/Erla Þórey

Ekki hægt að flytja Einhyrning í Húsdýragarðinn

Tómas Ó. Guðjónsson, líffræðingur og forstöðumaður Húsdýragarðsins, segir ekki gerlegt að flytja Einhyrning þangað. Það sé stranglega bannað að flytja sauðfé frá heimahögum hrútsins til höfuðborgarinnar. Að auki falli það ekki að stefnu Húsdýragarðsins að hafa dýr á borð við Einhyrning til sýnis. Tómas segist hins vegar skilja áhuga fólks á þessum sérstæða hrúti mæta vel. Í gær hafi t.d. komið aldraður maður í Húsdýragarðinn og boðist til að kosta flutning Einhyrnings til Reykjavíkur.

Smithættan heftir för hrútsins

Skýringarnar á banni á flutningi hrútsins felast í smitvörnum gegn sauðfjársjúkdómum. Landinu er skipt í varnarhólf og bannað er, nema með einstaka undantekningum að flytja lifandi dýr yfir varnarlínur. Samkvæmt upplýsingum Matvælastofnunar (MAST) eru einu undantekningarnar þær að flytja má líflömb frá örfáum varnarhólfum þar sem sjúkdómastaðan er þannig að ekki er talin hætta á smiti af flutningi.

Einu undanþágurnar sem eru veittar frá þessu eru á flutningi á fullorðnum gripum sem nota á til kynbóta. Er þá leyfður flutningur en aðeins beint á kynbótastöðvar. Reglurnar leyfa ekkert annað, samkvæmt svörum sem mbl.is fékk frá MAST. Þetta er ástæðan fyrir því að ekki er leyfilegt að flytja Einhyrning úr sínu varnarhólfi í Landbroti.

En flytja má hann innan hólfsins. Því er ekki öll nótt úti enn fyrir þennan einstaka hrút.

mbl.is

Innlent »

„Boltinn er hjá Air Berlin“

11:12 „Staðan er óbreytt, vélin er ennþá á Keflavíkurflugvelli og við bíðum eftir að heyra frá Air Berlin,“ segir Guðni Sigurðsson, upplýsingafulltrúi Isavia í samtali við mbl.is. Meira »

Reglur í endurskoðun og horft til Uber

11:10 Nýr starfshópur hefur verið skipaður af samgöngu- og sveitarstjórnarráðherra til að endurskoða regluverk um leigubifreiðaakstur. „Markmið verkefnisins er að leigubifreiðaakstur hér á landi stuðli að góðu aðgengi og hagkvæmri, skilvirkri og öruggri leigubifreiðaþjónustu fyrir neytendur.“ Meira »

Mary og Sunday komin með dvalarleyfi

11:10 Nígerísku hjónin Sunday Iserien og Joy Lucky og dóttir þeirra Mary eru komin með dvalarleyfi hér á landi. Þetta staðfestir Guðmundur Karl Karlsson vinur fjölskyldunnar.„Sunday var að hringja í mig alveg í skýjunum til að segja mér fréttirnar,“ segir hann. „Hann fór í morgun og fékk þessa niðurstöðu“ Meira »

Kosið á einum stað í Reykjanesbæ

10:57 Kjósendur í Reykjanesbæ munu greiða atkvæði á nýjum kjörstað, Fjölbrautaskóla Suðurnesja, í alþingiskosningunum um næstu helgi. Meira »

Fjölskyldan frá Gana fær dvalarleyfi

10:41 Fjölskyldan frá Gana, móðirin Mercy Ky­eremeh og drengir henn­ar þrír, Godw­in fimm ára, Emm­anu­ele fjög­urra ára og ný­fætt barn hennar, fengu í dag dvalarleyfi á grundvelli mannúðarsjónarmiða. „Þetta er mikið gleðiefni,“ segir Magnús Davíð Norðdahl hdl. lögmaður fjölskyldunnar. Meira »

Helmingur fyrirtækja stundar nýsköpun

10:21 Helmingur fyrirtækja á Íslandi, sem eru með 10 starfsmenn eða fleiri, leggur stund á nýsköpun. Þetta er niðurstaða mælinga Hagstofunnar sem nær til áranna 2014-2016, en með nýsköpun er þar vísað til þess að fyrirtækin setji nýjar vörur eða þjónustu á markað, eða innleiði nýja verkferla. Meira »

Stefna í loftslagsmálum hefur áhrif á flokkaval

10:03 Stefna stjórnmálaflokka í náttúruvernd og loftslagsmálum skiptir miklu við val á flokki samkvæmt nýrri könnun sem Gallup vann fyrir Náttúruverndarsamtök Íslands. Töldu tveir þriðju aðspurðra stefnu flokkanna varðandi þessa tvo málaflokka skipta miklu máli. Meira »

Stal 18 þúsund króna kampavínsflösku

10:14 Karlmaður á þrítugsaldri var staðinn að því um helgina að stela kampavínsflösku á skemmtistað í umdæmi lögreglunnar á Suðurnesjum. Samkvæmt tilkynningu frá lögreglu kostaði flaskan átján þúsund krónur. Meira »

Þriðjungur þingheims nýtt fólk

09:51 21 nýr þingmaður mun taka sæti á Alþingi eftir kosningar, samkvæmt nýjustu könnun Félagsvísindastofnunar. Þar af eru nokkur kunnugleg andlit sem áður hafa sést í þingsölum. Meðal nýju-gömlu þingmannanna eru Ásmundur Einar Daðason, Willum Þór Þórsson, Helgi Hrafn Gunnarsson og Ágúst Ólafur Ágústsson. Meira »

RÚV dró upp „kolranga mynd“

09:10 Sigurður Kári Kristjánsson, fyrrverandi alþingismaður Sjálfstæðisflokksins, segir að Ríkissjónvarpið hafi dregið upp kolranga mynd af þeim atburðum sem áttu sér stað eftir hrun í umfjöllun sinni á laugardagskvöld um samskipti Bjarna Benediktssonar forsætisráðherra við Glitni fyrir og eftir hrun. Meira »

Glitnir höfðar staðfestingarmál

08:49 Glitnir HoldCo ehf. höfðar í dag staðfestingarmál fyrir Héraðsdómi Reykjavíkur vegna lögbannsins sem sett var á fréttaflutning Stundarinnar og Reykjavík Media af viðskiptavinum Glitnis. Þetta staðfestir Ingólfur Hauksson, forstjóri Glitnir HoldCo, í samtali við mbl.is. Meira »

Víkingaveröld í Mosfellsdal

08:18 Nýtt deiliskipulag fyrir Langahrygg í Mosfellsdal er í kynningu þessa dagana. „Hugmyndin gengur út á að reisa einskonar „víkingaveröld“ sem gæfi innsýn í það umhverfi sem menn bjuggu við á þjóðveldisöld (11. og 12. öld).“ Meira »

Þurfa nýja augasteina eftir Flórídana-tappann

08:08 Að minnsta kosti tveir þeirra sem slösuðust er plasttappi af Flórídana-ávaxtasafaflösku þeyttist framan í þá af miklum krafti þurfa að gangast undir aðgerð og fá nýja augasteina. Mikill þrýstingur myndaðist í flöskunum og olli því tapparnir þeyttust af þeim af miklum krafti þegar þær voru opnaðar. Meira »

Gagnrýndi Trump í þakkarræðu

07:57 Kári Stefánsson, forstjóri Íslenskrar erfðagreiningar, tók í síðustu viku á móti æðstu viðurkenningu Bandarísku erfðafræðisamtakanna, ASHG. Verðlaunin eru kennd við William Allan og hafa verið veitt árlega síðan 1961. Þau eru veitt fyrir framúrskarandi framlag til erfðavísindanna og þykir mikill heiður að hljóta þau. Meira »

Tók brjálæðiskast inni á heimili

07:18 Óskað var aðstoðar lögreglu eftir að ölvuð og æst kona, sem var gestkomandi í heimahúsi, hafði ráðist á húsráðandann, sem var vinkona hennar. Einnig barst beiðni um aðstoð vegna 17 ára stráks sem tók brjálæðiskast inni á heimili í nótt og skemmdi mikið af innanstokksmunum. Meira »

Stjórnmálin verða að breytast

08:00 Helgi Hrafn Gunnarsson, oddviti Pírata í Reykjavík norður, segir kosningarnar í haust snúast um traust til stjórnmálanna sjálfra. Við, sem þjóð, þurfum stjórnmálamenn sem vilji breyta regluverkinu sjálfu svo að traustið verði verðskuldað. Meira »

Málefni flokka á landsvísu ráða mestu

07:37 Málefni flokksins á landsvísu ræður mestu um það hvaða flokkur fær atkvæði í alþingiskosningunum, samkvæmt skoðanakönnun Félagsvísindastofnunar fyrir Morgunblaðið. Meira »

Vara við hviðum undir Eyjafjöllum

06:55 Strekkings austlæg átt og fremur vætusamt verður suðaustan til á landinu fram undir hádegi, en mun úrkomuminna annars staðar. Varar Veðurstofan við því að búast megi við snörpum vindhviðum undir Eyjafjöllum og í Mýrdal fram eftir morgni. Meira »

Skoðanakannanir

[ Nánar | Allar kannanir í CSV-skrá ]

Mátturinn eða dýrðin - Greinaflokkur

2ja daga ljósmyndanámskeið 23. + 24. okt
2ja DAGA LJÓSMYNDANÁMSKEIÐ 23. og 24. okt. 2ja daga byrjenda ljósmyndanámskei...
Þreyttur á reykinga- myglulykt, lausn ?
Eyðir flest allri ólykt, m.a. Myglu-gró ásamt og raka- reykinga- og brunalykt. ...
Stálfelgur
Til sölu stálfelgur á Toyota Auris, Corolla 07- Avensis 09- ofl svartar með kopp...
 
Framhald uppboðs
Nauðungarsala
Uppboð Einnig birt á www.naudungarsolu...
L helgafell 6017101819 iv/v
Félagsstarf
? HELGAFELL 6017101819 IV/V Mynd af ...
Félagsstarf
Staður og stund
Aflagrandi 40 Hjá okkur er opin vinnusto...
Verkefnisstjóri
Stjórnunarstörf
Verkefnisstjóri Stjór...