Það ætlaði allt um koll að keyra í Laugardalshöllinni í gærkvöldi á úrslitakvöldi Skólahreysti. Síðuskóli á Akureyri bar sigur úr býtum og slógu liðsmenn skólans, þau Embla Dögg og Raguel Pino, nýtt Íslandsmet í hraðaþrautinni; fóru brautina á 2,03 mínútum. Í hverju liði eru fjórir keppendur og hinir tveir liðsmenn Síðuskóla voru Guðni Jóhann Sveinsson og Eygló Ástþórsdóttir.
Lið Lindaskóla í Kópavogi varð í öðru sæti og Laugalækjarskóli í því þriðja.
Í Skólahreysti er keppt í nokkrum greinum. Ýmis met hafa verið sett í gegnum tíðina og stendur til dæmis enn ótrúlegt met Jóhönnu Júlíu Júlíusdóttur úr Myllubakkaskóla í Reykjanesbæ sem tók hvorki meira né minna en 177 armbeygjur í keppninni árið 2012.
Hér má finna Skólahreysti á Facebook.
Hér að neðan gefur svo að líta fjölda skemmtilegra mynda frá gærkvöldinu.