„Áhrifamenn“ vilja Sigmund í borgina

„Ég geri ráð fyrir að halda mig við landsmálin þótt mér þyki málefni borgarinnar líka mjög áhugaverð og gríðarlega mikilvæg,“ segir Sigmundur Davíð Gunnlaugsson, fyrrverandi forsætisráðherra og formaður Framsóknarflokksins, í samtali við Fréttablaðið.

Í Fréttablaðinu í dag er fullyrt að áhrifamenn innan Framsóknarflokksins hafi hvatt Sigmund til að leiða lista Framsóknar og flugvallarvina í sveitastjórnarkosningunum á næsta ári og staðfestir Sigmundur þetta í samtali við blaðið.

„Það er ekkert launungarmál að málefni sveitarfélaganna og skipulagsmál skipa stóran sess í mínum huga en þau eru líka nátengd landsmálunum og það er fjölmargt annað á sviði landsmálanna sem mér finnst mikil þörf á, og tækifæri til, að bæta,“ er haft eftir Sigmundi.

Sigmundur er í dag þingmaður Framsóknarflokksins. Hann situr í utanríkismálanefnd og var nýlega skipaður í Þingvallanefnd.

Frétt af mbl.is

Sigmundur Davíð í Þingvallanefnd

• 1 blogg um fréttina

Bloggað um fréttina

• Óðinn Þórisson: Mun Dagur B. leiða Sósíalista í Reykjavík vorið 2018 ?