Læknar funda aftur í dag
Setja bókamerki
Næsti fundur Læknafélags Íslands og samninganefndar ríkisins vegna nýs kjarasamnings verður í dag. Fyrri samningur félagsins rann út 30. apríl.
Fundurinn í dag er sá sjöundi í röðinni en síðasti fundur var haldinn á mánudaginn.
Þorbjörn Jónsson, formaður Læknafélag Íslands, vill ekkert tjá sig um gang viðræðnanna og segir það trúnaðarmál.
Síðasti kjarasamningur var undirritaður í janúar 2015 eftir verkfallsaðgerðir lækna. Spurður hvort það stefni í annað verkfall lækna segir Þorbjörn að síðasta kjaradeila hafi verið erfið. „Við stefnum að því að leysa þetta án verkfalls. Svo verður tíminn að leiða í ljós hvernig þetta gengur.“
Á tólfta hundrað lækna eru í Læknafélagi Íslands. Þar af eru 100 skurðlæknar en þeirra kjarasamningur rennur út í ágúst.
„Það þarf að vinna mikinn fjölda upp“
Skemmtiferðaskip hætt komið nærri Viðey
Veiting hvalveiðileyfis ekki brot á EES-samningi
Handtekin eftir að tvö börn fundust látin
„Okkur miðar í rétta átt“
Tveir í bílnum sem lenti utan vegar
Skiptir miklu meira máli en fólk grunar