Ekki tími til að hræðast á toppnum

John Snorri Sigurjónsson á toppi Lhotse.
John Snorri Sigurjónsson á toppi Lhotse.

„Þetta er ótrúlega góð tilfinning. Þetta gekk allt saman upp,“ segir John Snorri Sigurjónsson sem komst fyrstur Íslendinga á topp Lhotse-fjalls í vikunni sem er fjórði hæsti tindur heims, 8.516 metra hár. Hann var í sigurvímu þegar mbl.is spjallaði við hann í gegnum gervihnattasíma. Hann er nú í fyrstu grunnbúðunum þar sem hann tekur því rólega til morguns en í fyrramálið gengur hann niður í byggð þar sem kona hans og sonur bíða spennt eftir að hitta hann.

Frétt mbl.is: Fyrst­ur Íslend­inga á topp Lhot­se

Ekki nóg með að John hafi verið fyrstur til að komast upp á topp fjallsins frá árinu 2013 heldur settu hann og sherpinn Tsering Pemba met í leiðinni. Því þeir klifu í einum rykk frá grunnbúðum 3 upp á topp og til baka á 23 klukkustundum og slepptu síðustu búðunum. Í ofanálag þurftu þeir að leggja línur og laga þær sem eru efst á tindinum til að komast alla leið. Hækkunin var 1.400 metrar. Afrekið hefur vakið mikla athygli í fjölmiðlum í Nepal því þetta hefur enginn gert áður. Sjá t.d. hér.  

Öflugur sherpi

„Við sáum þennan veðurglugga og ákváðum að láta á þetta reyna,“ segir John og bætir við: „Sherpinn sem var með mér er alveg rosalega öflugur.“

Ástæðan fyrir því að þeir þurftu að leggja línuna á toppnum er sú að árið 2016 dó sherpi sem var að laga línurnar.

Í sömu ferð með John upp á topp var írskur fjallagarpur og hann var fyrstur Íra til að toppa Lhotse. Á leiðinni niður stoppaði Írinn í grunnbúðum fjögur en John og sherpinn héldu áfram niður í þær þriðju. „Hann komst því miður ekki með okkur.“  

John Snorri og Írinn Cian O Brolchain með Tsering Pemba ...
John Snorri og Írinn Cian O Brolchain með Tsering Pemba á milli sín.

Hafði ekki tíma til að hræðast 

„Það kom aldrei upp í hugann hræðsla. Maður hafði aldrei tíma til þess,“ segir hann aðspurður hvort hann hafi aldrei orðið hræddur því eins og gefur að skilja er ekki hættulaust að klífa fjórða hæsta tind heims.

Á þessum tímapunkti segir hann mikilvægt að hafa einbeitinguna í lagi því aðstæðurnar eru mjög krefjandi, klettar, gil og lausasnjór þar sem talsverð hætta er á snjóflóðum.

„Þarf að útiloka tilfinningarnar“

„Þetta er áskorun á sjálfan sig. Maður sigrast á sjálfum sér því þetta er líkamlega svo erfitt,“ segir John aðspurður hvað það er sem drífur fólk áfram til að klífa hæstu tinda heims. 

Aðstæðurnar eru vægast sagt krefjandi. Líkaminn er undir stöðugu álagi þegar verið er að klifra upp og í ofanálag er loftið mun þynnra og ekki eins mikið súrefni og líkaminn á að venjast. 

Það þarf að útiloka tilfinningarnar með því að reyna að hugsa ekki um þær, þótt líkaminn reyni að segja mér að koma niður og hætta þá má maður ekki láta undan þeim,“ segir John og hóstar lítillega inntur eftir því hvernig hægt er að keyra sig áfram upp á topp.

Hann segist vera við ótrúlega góða heilsu en glími við smá hósta eins og stendur. „Ég er búinn að missa fullt af kílóum. Ég er bólginn og aumur og vöðvarnir eru allir mjög stífir,“ segir hann hress í bragði.

  

Halda upp á afrekið í kvöld

John kom í fyrstu grunnbúðirnar í gær og dvelur þar í tvo daga. „Við ætlum að halda upp á þetta aðeins í kvöld áður en ég geng niður í fyrramálið,“ segir hann. Í miðju spjalli segir hann skyndilega: „Nei, vá. Nú er ég að horfa á svakalegt snjóflóð.“ Snjóflóðið féll í fjalli sem er í talsverðri fjarlægð og engin hætta stafar af því. Á þessum slóðum eru snjóflóð tíð. 

Við þetta bætir hann að stórt snjóflóð féll á milli grunnbúða eitt og tvö um miðja nótt nýverið. Hann var sjálfur kominn í grunnbúðir tvö. „Sem betur fer voru fáir á ferli á þessum tíma og enginn slasaðist,“ segir hann.

Einbeiting þarf að vera í lagi til að komast upp ...
Einbeiting þarf að vera í lagi til að komast upp á topp hæstu fjalla heims.

Stefnir á K2 13. júní

„Ég er í sigurvímu og þakka öllum stuðninginn,“ segir hann og bendir á að allur ágóðinn af ferðinni rennur til LÍF styrktarfélags. John hefur misst báða foreldra sína úr krabbameini og því var styrktarfélagið LÍF fyrir valinu. 

Hann hlakkar til að hvíla sig og hitta fjölskyldu sína sem mun dvelja á þessum slóðum þar til förinni er heitið næst til Pakistan 13. júní. Hann er 43 ára og á konu sem er ólétt en samtals eiga þau fimm börn. 

Að ná á topp Lhot­se er liður í und­ir­bún­ingi Johns fyr­ir fjallið K2 sem hann stefn­ir á að klífa í sum­ar. K2 er erfiðasta fjall heims. Þangað er stefn­an tek­in 13. júní næst­kom­andi. Sú ferð verður kvikmynduð. Kvikmyndagerðamaðurinn Kári G. Schram vinn­ur að alþjóðlegri heim­ild­ar­mynd, Ferð til himna, um af­rek Johns á þann topp.

Hægt er að fylgj­ast með ferðum John Snorra á www.lifs­spor.is og á face­booksíðunni Lífs­spor K 2. 



mbl.is

Innlent »

Leitað að pari á Vestfjörðum

Í gær, 23:38 Björgunarsveitir Slysavarnafélagsins Landsbjargar á norðanverðum Vestfjörðum voru kallaðar út til leitar á ellefta tímanum í kvöld þegar par sem ætlaði að ganga frá Bolungarvík að Galtarvita og þaðan í Selárdal skilaði sér ekki á réttum tíma. Meira »

Veðurtepptir kajakræðarar

Í gær, 22:47 Það kom á óvart á Jónsmessunni að sjá ofurlítið rautt tjald alveg niðri við fjöruborð hjá Fossá, rétt innan við Þórshöfn og við beljandi, vatnsmikla ána var íbúi tjaldsins að bursta tennurnar á laugardagsmorgni. Meira »

Bátlaus sundmaður leitar báts

Í gær, 21:25 Jón Eggert Guðmundsson varð fyrir því óláni að bæði aðal- og varabáturinn, sem hann hafði fengið fyrir verkefni sitt Íslandssund, eru bilaðir. Bátinn þarf Jón til þess að fylgja sér þar sem hann ætlar að synda hringinn í kringum Ísland. Meira »

Minni þyrlur koma ekki í stað stærri

Í gær, 21:10 Ekki ert gert ráð fyrir sjúkraþyrlu í kaupum Landhelgisgæslunnar á þremur nýjum þyrlum á árunum 2019 til 2021 en þyrlurnar þrjár koma í stað núverandi vélakosts Landhelgisgæslunnar sem á eina af þremur þyrlunum sem stofnunin hefur til umráða. Sú sem er í eigu Gæslunnar er yfir 30 ára en hinar tvær eru leigðar. Meira »

„Fleiri skólar að fara þessa leið“

Í gær, 21:07 „Hliðstætt fyrirkomulag hefur verið tekið upp af nokkrum skólum. Það eru ýmsar leiðir sem hægt er að fara í þessum efnum. Sumir skólar hafa gert þetta í samstarfi við viðkomandi foreldrafélög og síðan hafa sum sveitarfélög séð alfarið um þetta eins og Vogar.“ Meira »

Loksins húsnæði eftir 10 ára bið

Í gær, 21:04 Kaflaskil urðu í sögu Náttúruminjasafns Íslands í dag þegar skrifað var undir samning um að safnið fá aðstöðu til sýninga í Perlunni. Meira »

Mynda gönguleiðir á Reykjanesi

Í gær, 19:47 Reykjanes Geopark, Markaðsstofa Reykjaness og GeoCamp Iceland í samstarfi við Google standa að sameiginlegu verkefni sem miðar að því að kortleggja og mynda allar gönguleiðir á Reykjanesi með 360° myndavél. Meira »

Hafnað vegna sektar eftir 11 ára dvöl

Í gær, 20:25 Fjárfestinum Bala Kamallakharan var neitað um íslenskan ríkisborgararétt í dag vegna hraðasektar sem hann fékk eftir að hafa sent inn umsóknina. Hann hefur verið búsettur á Íslandi í 11 ár, er giftur íslenskri konu og á tvö börn. Þá er hann stofnandi Startup Iceland. Meira »

Berskjaldaðri fyrir spákaupmönnum

Í gær, 19:09 Kæmi til þess að krónan yrði tengd við gengi erlends gjaldmiðils, eins og til að mynda evrunnar, gæti það leitt til þess að Íslendingar yrðu berskjaldaðri fyrir árásum spákaupmanna að mati OECD sem aftur gæti leitt til þess að koma yrði á fjármagnshöftum á nýjan leik til þess að bregðast við þeim. Meira »

Hrundið af stað nýju „höfrungahlaupi“

Í gær, 18:48 Kjararáð, í umboði Alþingis, hefur „hvellsprengt“ launarammann, að sögn formanns Rafiðnaðarsambands Íslands. Hann segir æðstu stofnun landsins hafa hleypt af stað „nýjasta höfrungahlaupinu“ sem aðilar vinnumarkaðarins hafi reynt að halda aftur af á síðustu árum. Meira »

Fékk nýjan síma í sárabætur

Í gær, 18:35 Arnþór Sævarsson varð fyrir því leiðinlega atviki í gær að símanum hans var stolið þegar hann var á leið heim úr sundi. Hann var ekki símalaus í langan tíma því Epli ákvað að gefa honum nýjan iPhone 7 í sárabætur. Meira »

Sýkingar tilkynnist til CERT-ÍS

Í gær, 17:48 Póst- og fjarskiptastofnun hefur sent frá sér tilkynningu vegna spilliforrits sem herjar nú á tölvukerfi í nokkrum löndum. Stofnunin segir forritið beita nýju afbrigði hugbúnaðar sem þekktur er undir nafninu Petya en umrædd lönd eru Úkraína, Rússland, Danmörk og Bretland. Meira »

Ekki sterkur grunur um samverknað eða hlutdeild segir lögmaður Jóns Trausta

Í gær, 17:33 Hæstiréttur sneri við dómi héraðsdóms um að Jón Trausti Lúthersson sæti áframhaldandi gæsluvarðhaldi vegna rannsóknar á manndrápi í Mosfellsdal. Lögmaður Jóns Trausta segir greinilegt að Hæstiréttur hafi ekki fallist á að það væri sterkur grunur um samverknað eða hlutdeild í málinu. Meira »

Álagningarseðlarnir komnir á skattur.is

Í gær, 17:13 Álagningarseðlar einstaklinga árið 2017 eru nú aðgengilegir á þjónustvef Ríkisskattstjóra, skattur.is. Álagningarskrár verða lagðar fram á föstudaginn, 30. júní, og verða aðgengilegar í 14 daga. Meira »

Framkvæmdir við Melatorg

Í gær, 16:47 Öllum akreinum að Melatorgi verður lokað í kvöld kl. 21:00. Malbika á hringtorgið og Vegagerðin biður vegfarendur að virða merkingar og hraðatakmarkanir við vinnusvæðið. Meira »

„Þetta er alþekkt í fluginu“

Í gær, 17:19 „Icelandair tekur á sig kostnað við þjálfun nýliða gegn samkomulagi um starf þeirra í ákveðinn tíma. Þetta er alþekkt í fluginu með flugmenn og fleiri stéttir,“ segir upp­lýs­inga­full­trúi Icelanda­ir. Nýir flugmenn hjá Icelanda­ir skrifa upp á skulda­bréf að and­virði 60 þúsund evr­a. Meira »

Hafa sömu reynslu af Stígamótum

Í gær, 16:57 Níu konur sem komu að starfi Stígamóta á síðustu árum hafa lýst yfir að reynsla þeirra af starfi Stígamóta sé sambærileg og sú sem Helga Bald­vins­dótt­ir Bjarg­ar­dótt­ir lýsti í pistli sínum um daginn. Þetta kemur fram í fréttatilkynningu sem send var á fjölmiðla í dag. Meira »

Söfnuðu meira en 20 milljónum

Í gær, 16:37 Söfnun WOW Cyclothon til styrktar Slysavarnafélaginu Landsbjörg lauk í gær en alls söfnuðust 20.425.710 krónur.   Meira »
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
Viðhald fasteigna
Við þjónustum þig með lítil sem stór verk. Tímavinna eða tilboð. sími: 544-44...
Smágrafa
Til sölu JCB smágrafa. Fylgihlutir: þrjár skóflur og hraðtengi. Upplýsingar í sí...
 
Félagstarf aldraðra
Staður og stund
Árskógum 4 Félagsstarfið er með opið í s...
Breyting á aðalskipulagi
Tilkynningar
Auglýsing um skipulag á Akranesi Tilla...
Félagsstarf
Staður og stund
Árskógar 4 Félagsstarfið er með opið í s...
Samkoma
Félagsstarf
Samkoma kl. 20 í Kristniboðs- salnum. R...