Ber ekki að tilkynna óeðlilega lyfjaávísun

Magnús telur ekki þörf á tilkynningarskyldu þegar lyfjafræðingur verður var ...
Magnús telur ekki þörf á tilkynningarskyldu þegar lyfjafræðingur verður var við óvenjulega lyfjaávísun. mbl.is/Kristinn

Lyfjafræðingi ber ekki skylda til að tilkynna það til embættis landlæknis ef hann verður var við óvenjulega eða óeðlilega lyfjaávísun frá lækni. Til dæmis þegar hann telur að um rangt lyf sé að ræða eða ranga skammtastærð. Hann á hins vegar ekki að afgreiða lyfið nema að höfðu samráði við lækninn. Þetta segir Magnús Jóhannsson læknir sem hefur eftirlit með lyfjaávísunum hjá landlæknisembættinu.

Magnús telur ekki þörf á slíkri tilkynningaskyldu, enda fái lyfjafræðingur í langflestum tilfellum leiðréttar upplýsingar um lyfjaávísun frá lækni, ef þörf er á. Í sumum tilfellum telji læknirinn hins vegar þörf á annarri skammtastærð en venjan er að ávísa. Óvenjuleg lyfjaávísun getur því verið rétt, í einhverjum tilfellum.

„Ef lyfjafræðingur verður var við eitthvað einkennilegt við lyfjaávísun, sem hann á að fylgjast með samkvæmt lögum og reglugerðum, á hann ekki að afgreiða hana. Hann á að hafa samband við lækninn sem ávísaði lyfinu og fá annaðhvort leiðréttingu eða staðfestingu á að ávísunin sé rétt,“ útskýrir Magnús.

Sjaldgæft að öryggisventill bregðist

Fréttablaðið greindi í vikunni frá því að tveggja ára gamalli stúlku hefði verið ávísað banvænum skammti af ofnæmislyfinu Atrax. Það var læknir á Læknavaktinni sem ávísaði lyfinu fyrir mistök í töfluformi í stað mixtúru. Læknirinn fór línuvillt við gerð rafræns lyfseðils og skammtastærðin sem stúlkunni var ávísað var því margföld. Lyfjafræðingur afhenti lyfið svo fyrir mistök.

Magnús hvetur fólk til að lesa alltaf fylgiseðil með lyfjum, ...
Magnús hvetur fólk til að lesa alltaf fylgiseðil með lyfjum, sérstaklega þegar um börn er að ræða. mbl.is/Kristinn Ingvarsson

Magnús segir þetta grafalvarlegt mál og það sé að sjálfsögðu tilkynningarskylt enda hafi öryggisventill brugðist. „Okkar mat er þannig að þetta er tilkynningarskylt. Það sem varðar lækninn til landslæknisembættisins og það sem varðar apótekið og lyfjafræðinginn til Lyfjastofnunar. Í raun ætti að tilkynna þetta til beggja aðila.“ Magnús gerir hins vegar ráð fyrir að landlæknisembættið eigi eftir að fá nánari gögn um atvik stúlkunnar.

Hann segir ekki til tölur yfir það hjá embættinu hve oft atvik af þessu tagi koma upp, þar sem læknir skrifar út ranga lyfjaávísun og lyfjafræðingur, sem ætti að vera öryggisventill, afhendir lyfið. „Sem betur fer er þetta rosalega sjaldgæft. Ég kannast ekki við þær tölur, sem betur fer. Svo geta auðvitað verið einhver tilvik sem við vitum ekki um. Oft eru svona mistök alveg meinlaus og þá tekur enginn eftir því. Viðkomandi fékk kannski rangan skammt eða rangt lyf en það hafði engin áhrif.“

Til skoðunar að setja upp girðingar 

„Samkvæmt umræddri frétt var um að ræða rafræna ávísun, en það er vissulega hægt að gera mistök á pappír líka. Möguleikinn á mannlegum mistökum hefur því alltaf verið fyrir hendi. Að mínu mati er því ekki meiri hætta á mistökum í þessu rafræna umhverfi.“

Magnús segir hins vegar endalaust hægt að bæta rafræna kerfið og það er komið til skoðunar hjá landlækni. „Þetta atvik verður til þess að það verður farið yfir þetta. Hvort hægt sé að setja upp einhverjar girðingar í lyfjaávísanakerfið. Ein hugmynd sem hefur komið upp núna, sem er bæði gömul og ný, er að þegar um börn er að ræða þá opnist gluggi þar sem lækninum er bent á að fara varlega,“ segir Magnús sem vill að lokum hvetja fólk til að lesa alltaf yfir fylgiseðil lyfja, sérstaklega þegar um börn er að ræða.

mbl.is

Innlent »

Kuldaleg veðurspá næstu daga

08:05 Veðurspáin næstu daga er mjög kuldaleg, mikil hæð verður yfir Grænlandi og lægðirnar fara framhjá langt fyrir sunnan land. Við erum því föst í kaldri norðaustanátt alla vikuna með éljagangi fyrir norðan og austan. Meira »

Keyrðu á ljósastaur og stungu af

07:27 Um klukkan ellefu í gærkvöldi var tilkynnt um umferðaróhapp í Seljahverfi í Breiðholti, en bifreið var þar ekið á ljósastaur. Par sem var í bifreiðinni yfirgaf vettvang strax eftir óhappið en var handtekið skömmu síðar. Parið var vistað í fangageymslu lögreglu fyrir rannsókn málsins. Meira »

Þrír í 8 fm herbergi og borga 210 þúsund

07:14 Algeng leiga fyrir herbergi með tveimur rúmum og stundum fataskáp, með aðgangi að sameiginlegu baðherbergi og eldhúsi, sem er um átta fermetrar eða þar um bil, er á bilinu 55 til 65 þúsund krónur á mánuði. Meira »

„Mér finnst þið sýna hressandi kjark“

Í gær, 22:52 Katrín Júlíusdóttir, fyrrverandi varaformaður Samfylkingarinnar, segir Vinstri græn sýna hressandi kjark með því að fara í stjórnarmyndunarviðræður með Sjálfstæðisflokknum og Framsóknarflokknum. „Mér finnst þið sýna hressandi kjark sem vonandi hristir upp í þessu.“ Meira »

Skylt að veita aðgang að eldri prófum

Í gær, 22:04 Háskóla Íslands er skylt að veita nemanda skólans aðgang að eldri prófum í námskeiði við skólann, að því er fram kemur í úrskurði Úrskurðarnefndar um upplýsingamál, sem kveðinn var upp þann 2. nóvember en birtur var í gær. Skólinn hafði áður synjað beiðni nemandans þess efnis. Meira »

Veruleg óvissa um framhald atburðarásar

Í gær, 22:01 Ljóst er að verulegur jarðhiti er kominn upp í öskju Öræfajökuls en ekki eru nein merki að eldgos sé að hefjast. Veruleg óvissa er þó um framhald þeirrar atburðarásar sem nú er í gangi, að segir í tilkynningu frá Veðurstofu Íslands. Stöðufundur var haldinn um Öræfajökul á Veðurstofunni í kvöld. Meira »

Ógn fylgi innflutningi á fersku kjöti

Í gær, 20:37 Karl G. Kristinsson, yfirlæknir á sýkla- og veirufræðideild Landspítalans, segir ómetanlegt að á Íslandi sé minnst sýklalyfjaónæmi af löndum Evrópu, eins og árleg skýrsla Evrópsku sóttvarnarmiðstöðvarinnar sýnir. Meira »

Syngur í Tosca í 400. skiptið

Í gær, 21:07 Síðasta sýningin á óperunni Tosca fyrir áramót verður í Hörpu í kvöld, en það er 400. sýning Kristjáns Jóhannssonar óperusöngvara í hlutverki Cavaradossi málara. Kristján hefur sungið hlutverkið víða um heiminn síðan 1980. Meira »

Björn Lúkas tapaði úrslitabardaganum

Í gær, 20:12 Bardagamaðurinn Björn Lúkas Haraldsson tapaði úrslitabardaganum sínum á heimsmeistaramóti áhugamanna í MMA í dag. Svíinn Khaled Laallam reyndist of sterkur og fór með sigur af hólmi. Björn Lúkas fer hins vegar með silfrið heim. Þetta kemur fram á Meira »

Sex fengu 100 þúsund krónur

Í gær, 19:34 Enginn miðhafi var með allar tölur réttar í Lottó þegar dregið var út kvöld og verður potturinn því tvöfaldur í næstu viku. Þrír miðaeigendur skiptu hins vegar með sér bónusvinningi kvöldsins og hlýtur hver um sig rúmlega 101 þúsund krónur. Meira »

Lambastelpa lét ekki stoppa sig

Í gær, 19:13 Þau ætluðu ekki að trúa sínum eigin augum þegar hún kom í leitirnar, eftir að hafa verið týnd í tvo og hálfan mánuð. Klóka kindin Ukulele lambastelpa er frekari en nokkru sinni fyrr og vill ei vera í fjárhúsi. Meira »

Telja himin og jörð ekki að farast

Í gær, 18:33 Jarðvísindamenn voru við mælingar á Öræfajökli í dag og mældu meðal annars nýjan sigketil sem hefur myndast í öskju jökulsins síðustu daga. Ketillinn er um einn kílómetri í þvermál, en Magnús Tumi Guðmundsson jarðeðlisfræðingur segir það hafa komið í ljós að ketilinn sé um 15 til 20 metra djúpur. Meira »

„Þetta er algjör draumur“

Í gær, 17:40 Úthlutað var úr Styrktarsjóði Svavars Guðnasonar listmálara og Ástu Eiríksdóttur eiginkonu hans við athöfn í Listasafni Íslands í dag og hlutu tveir ungir myndlistarmenn styrki, þau Fritz Hendrik Berndsen og Katrín Inga Jónsdóttir Hjördísardóttir. Meira »

Fresta stofnfundi nýs stéttarfélags

Í gær, 16:57 Ákveðið hefur verið að fresta stofnfundi nýs Stéttarfélags, Sambands íslenskra flugliða, sem flugfreyjur- og þjónar hjá WOW air hugðust stofna. Erla Pálsdóttir forsvarsmaður undirbúningsnefndarinnar, segir í tilkynningu sem hún sendi frá sér fyrir skömmu, þetta sé gert vegna breyttra aðstæðna. Meira »

Rafleiðni í Múlakvísl eykst áfram

Í gær, 16:31 Rafleiðni í Múlakvísl á Mýrdalssandi heldur áfram að aukast og samkvæmt nýjustu mælingum sem gerðar voru í dag mælist rafleiðnin 560 míkrómens/cm. Meira »

35,11% vefsíðna komnar aftur í gagnið

Í gær, 17:29 Samkvæmt Merði Ingólfssyni, framkvæmdastjóra 1984 ehf. hefur 35,11% þeirra vefsíðna sem fyrirtækið hýsir verið komið aftur í gagnið eftir kerfishrunið sem varð á miðvikudag. Á morgun vonast hann til að hlutfallið verði komið upp í 50% og að á mánudag verði allar vefsíðurnar komnar upp. Meira »

Stella hreint ekki í orlofi

Í gær, 16:32 Heiða Rún Sigurðardóttir kom heim til að leika titilhlutverkið í glænýjum glæpaþáttum um hina úrræðagóðu Stellu Blómkvist. Hún segir hlutverkið safaríkt og kærkomna tilbreytingu frá búningadramanu Poldark. Meira »

„Staðan er brothætt“

Í gær, 15:55 „Mér finnst við ekki standa illa. Við stöndum þokkalega en staðan er brothætt,“ segir dósent við menntavísindasvið HÍ um læsi grunnskólabarna. Þetta kom fram í erindi sem hann hélt á ráðstefnunni Lestur er lykill að ævintýrum. Meira »

Mátturinn eða dýrðin - Greinaflokkur

Sumarbústaðalóðir til sölu í Vaðnesi
Til sölu fallegar sumarhúsalóðir með aðgangi að heitu og köldu vatni í vinsælu s...
Stofuskápur úr furu til sölu.
Skápur úr furu ,hentar vel í sumarbústaðinn 9000 þúsund kr., hæð 200 cm, breidd...
PÚSTKERFI Á HAGSTÆÐU VERÐI
Eigum fyrirlyggjandi PÚSTKERFI í flestar tegundir bifreiða. Einnig STÝRISLIÐI ...
 
Aðalfundur
Fundir - mannfagnaðir
Aðalfundur Aðalfundur Vör...
Framhald uppboðs
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 Við byrjum daginn á opnu v...