Velta á fjarskiptamarkaði jókst um 3% á milli ára og nam um 56,6 milljörðum króna á síðasta ári. Þar af var 4% vöxtur í tekjum af gagnaflutningi. Engu að síður drógust tekjur af talsíma saman um 12%, en þær hafa farið lækkandi á undanförnum árum.
Markaðshlutdeild stærstu fjarskiptafélaganna í farsímaáskrift stóð nokkuð í stað á milli ára. Hlutdeild Nova var 34%, Símans 33%, Vodafone 29% og 365 var með 3%.
Fjarskiptafyrirtækin juku fjárfestingar sínar um 13% í 9 milljarða króna í fyrra, að því er fram kemur í fréttaskýringu í Morgublaðinu í dag.