Dúxaði í MR með 9,87 í einkunn
Setja bókamerki
Menntaskólinn í Reykjavík útskrifaði stúdenta frá skólanum í dag og fór athöfnin fram í Háskólabíói. Að þessu sinni voru 202 stúdentar brautskráðir, 10 úr fornmáladeildum, 24 úr nýmáladeildum, 46 úr eðlisfræðideild og 122 úr náttúrufræðideildum. Fleiri stúlkur en piltar útskrifuðust eða 123 stúlkur og 79 piltar.
Guðrún Sólveig Sigríðardóttir var dúx en hún hlaut einkunnina 9,87. Einkunn Guðrúnar er fjórða hæsta einkunn sem nokkurn tímann hefur verið gefin á stúdentsprófi í MR. Guðrún lauk námi af náttúrufræðibraut.
Semidúx skólans var Sólveig Hrönn Hilmarsdóttir, af málabraut, en hún var með ágætiseinkunn 9,83. Fjölmargir aðrir hlutu verðlaun fyrir framúrskarandi námsárangur.
Yngvi Pétursson, fráfarandi rektor skólans, hrósaði nemendum fyrir öflugt félagslíf og góðan árangur í margvíslegum keppnum. Hann hrósaði einnig glæsilegum námsárangri árgangsins. Einnig vék Yngvi að styttingu framhaldsskólanna. Að lokum tilkynnti Yngvi að þetta yrðu hans síðustu skólaslit.
Biðst afsökunar með heilsíðuauglýsingu
Lögreglan rannsakar andlát konu í fjölbýlishúsi
Sáttur við sína stöðu og finnur fyrir meðbyr
Myndskeið: „Fólk var komið ískyggilega nálægt“
Baldur: „Ég ætla að svara þessu kalli“
Íslendingar ein mest einmana þjóð heims