Vann 5,6 milljarða króna

Heppinn lottóspilari vann fyrsta vinning í EuroJackpot í kvöld og er fyrir vikið 5,6 milljörðum króna ríkari. Vinningsmiðinn var keyptur í Þýskalandi. Sjö unnu annan vinning og fær hver tæpar 25,5 milljónir króna í sinn hlut. Vinningsmiðarnir voru keyptir í Finnlandi, Þýskalandi og Danmörku.

Þá unnu 37 þriðja vinning og fær hver í sinn hlut rúmar 1,7 milljónir króna. Vinningsmiðarnir í því tilfelli voru keyptir víða um Evrópu en enginn hér á landi. Einn var hins vegar með fimm tölur réttar í Jókernum hér á landi og fær í vinning tvær milljónir króna.

• Blogga um frétt