Sumarhús í Skorradal alelda

Eldur kom upp í sumarhúsi í Skorradal nú í kvöld og vinnur slökkvilið Hvanneyrar og Borgarness nú að því að ráða niðurlögum eldsins.

Að sögn sjónarvotta á vettvangi er húsið alelda og lítil von til að því verði bjargað. Enginn var í húsinu þegar eldurinn kom upp.

Bjarni Þorsteinsson slökkviliðsstjóri segir önnur hús á svæðinu ekki vera í hættu, en að sögn sjónarvotta eru slökkviliðsmenn einnig að reyna að hindra eldinn í að valda of miklum skaða á skóginum í kring.

Eldsupptök eru enn ókunn.

Húsið er alelda, en ekki er talið að önnur hús á svæðinu séu í hættu.

• Blogga um frétt