Píratar ætla að leggja fram tillögu á þingfundi í dag um að vísa frá þingmáli Sigríðar Andersen dómsmálaráðherra um tillögur hennar að dómurum í Landsrétt. Þetta kemur fram á Facebook-síðu Birgittu Jónsdóttur, þingmanns flokksins.

Þingmálið var ekki afgreitt á fundi Alþingis í gærkvöld og þess í stað ákveðið að taka það til áframhaldandi umræðu á þingfundi sem hefst klukkan 11:00 í dag. Ráðherra hefur lagt til að ekki verði að öllu leyti farið að tillögu dómnefndar um það hverjir skuli taka sæti í Landsrétti. Hefur hún viljað skipta út fjórum einstaklingum.

„Ég skora á alla þingmenn að styðja frávísunarkröfu minnihlutans sem verður tekin afstaða til við lok umræðunnar sem ég geri ráð fyrir að muni ljúka á morgun,“ segir Birgitta en áður höfðu Píratar boðað vantrauststillögu á dómsmálaráðherra vegna málsins.

Tengdar fréttir

Landsréttur

Eiganda buy.is gert að greiða 258 milljónir

• Sex mál endurupptekin vegna Landsréttarmálsins
• Mál Guðmundar fyrir Landsrétt á ný
• Endurupptaka breyti ekki endilega niðurstöðunni
• Gott að það sé komin staðfesting

» Fleiri tengdar fréttir

• Blogga um frétt