Harpan verður græn til að mótmæla Trump
Setja bókamerki
Björt Ólafsdóttir umhverfisráðherra og Dagur B. Eggertsson borgarstjóri sammæltust í dag um að baða tónlistarhúsið Hörpu grænum lit til að mótmæla þeirri ákvörðun Donald Trump Bandaríkjaforseta að draga Bandaríkin út úr Parísarsamkomulaginu. Græna litnum er ætlað að undirstrika mikilvægi þess að hér á landi verði ekki slegið slöku við að draga úr útblæstri gróðurhúsalofttegunda.
Víða um heim hafa byggingar verið lýstar upp í grænum lit til að mótmæla þessum áformum Trump.
Í yfirlýsingu frá umhverfisráðherra og borgarstjóra segir að þau harmi „að Donald Trump hafi dregið Bandaríkin úr Parísarsáttmálanum svokallaða sem gengur út á að draga úr útblæstri gróðurhúsalofttegunda og stemma þar með stigu við loftslagsbreytingum.“
Almenningur, vísindamenn, fyrirtæki, borgir og þjóðir um allan heim hafa mótmælt þessum fyrirætlunum forsetans.
Hernaðaraðstoð samþykkt – Vopnasendingar í vikunni
Vélsleðaslys: Þyrlan kölluð út á mesta forgangi
Vona að Orkustofnun veiti ekki virkjunarleyfi
„Skýr skilaboð til Seðlabankans“
Eyjafjarðarbraut lokað vegna alvarlegs umferðarslyss
Handtekin eftir að tvö börn fundust látin