Alls höfðu 3.657 manns skrifað undir áskorun til forseta Íslands á tíunda tímanum í gærkvöldi um að undirrita ekki samþykkt Alþingis um skipan fimmtán dómara við Landsrétt. Undirskriftasöfnun þessari, sem Jón Þór Ólafsson þingmaður átti frumkvæði að, var hleypt af stokkunum á föstudag, en í formála hennar segir að lögmæti skipunarinnar megi draga í efa, enda hafi verið farið gegn ráðum fagnefndar um val á dómurum í einni atkvæðagreiðslu, en dómara skuli þingið samþykkja hvern fyrir sig ef farið sé á skjön við ráðgjöf.

Sem kunnugt er fylgdi Sigríður Andersen dómsmálaráðherra ráðum fagnefndar varðandi ellefu umsækjendur um dómarastarf en vék frá ráðum um fjóra umsækjendur og tók aðra og jafn marga þeirra í stað. Því segir Jón Þór lögmæti skipunarinnar vafa undirorpið og er forseti Íslands af þeim sökum hvattur til að skrifa ekki undir.

Á laugardag greindi Jón Þór frá því á Facebook-síðu sinni að hann hefði sett sig í samband við Guðna Th. Jóhannesson, forseta Íslands, vegna skipunar dómaranna og óskað atbeina hans. 

Tengdar fréttir

Landsréttur

Eiganda buy.is gert að greiða 258 milljónir

• Sex mál endurupptekin vegna Landsréttarmálsins
• Mál Guðmundar fyrir Landsrétt á ný
• Endurupptaka breyti ekki endilega niðurstöðunni
• Gott að það sé komin staðfesting

» Fleiri tengdar fréttir