Jón Trausti Lúthersson og annar karlmaður hafa verið úrskurðaðir í gæsluvarðhald til 23. júní. Fólkið sem var handtekið í gær eftir að karlmaður á fertugsaldri lést í kjölfar þess að hann varð fyrir alvarlegri líkamsárás við heimili sitt að Æsustöðum í Mosfellsdal hefur verið leitt fyrir dómara eitt af öðru nú síðdegis.
Rúv greinir frá þessu en lögreglan á höfuðborgarsvæðinu fór fram á að allt fólkið yrði úrskurðað í gæsluvarðhald. Niðurstöðu úr málum hinna sem leiddir voru fyrir dómara má vænta fljótlega.