Dekkið losnaði og skall á bíl

Sjúkrabíll sem var á leið frá Hvolsvelli á Selfoss klukkan 7 í morgun missti afturdekkið á ferð og skall það framan á sendiferðabíl sem kom úr gagnstæðri átt. Enginn slasaðist við óhappið þar sem bílstjóri sjúkrabílsins náði að halda stjórn á bílnum og dekkið skoppaði af stuðara hins. 

Samkvæmt upplýsingum frá lögreglu var sjúkrabíllinn ekki í sjúkraflutningum heldur var hann að fara milli stöðva. Tjónið var minni háttar en meira sá á hinum bílnum. Sjúkrabíllinn var fluttur á Selfoss til viðgerðar. Vísir greindi fyrst frá málinu. 

• 1 blogg um fréttina

Bloggað um fréttina

• Heimir Lárusson Fjeldsted: Hjólið