Hér má sjá myndband af flugvél snertilenda á Garðavelli á Akranesi um sexleytið í gærkvöldi. Málið er komið í hendur lögreglu en margir voru á golfvellinum, meðal annars börn og unglingar sem tóku þátt í innanfélagsmóti á vegum Golfklúbbsins Leynis.
„Það var haft samband við golfskálann í gærkvöldi og spurt hvort mætti snertilenda en því var ekki svarað. Hann setti niður vélina og reyndi lendingu samsíða skógræktinni á Akranesi,“ segir Guðmundur Sigvaldsson, framkvæmdastjóri Golfklúbbsins Leynis á Akranesi.