Frétti af vopnaburði í fjölmiðlum
Setja bókamerki
Dagur B. Eggertsson, borgarstjóri, frétti af því í gegnum fjölmiðla að lögreglumenn skyldu bera vopn á fjöldasamkomum í Reykjavík.
Í kvöldfréttatíma Rúv sagðist hann hafa viljað fá upplýsingarnar með öðrum hætti.
Ríkislögreglustjóri hefur ákveðið að sérsveitarmenn beri skotvopn á fjöldasamkomum hérlendis í sumar. Þeir báru vopn í Litahlaupinu um síðustu helgi og þeir munu einnig gera það á hátíðarhöldunum á 17. júní og á tónlistarhátíðinni Secret Solstice sem fer fram um helgina.
„Mér hefði fundist það mjög eðlilegt, sérstaklega ef að baki býr einhvers konar nýtt hættumat, þá hefði verið eðlilegt að láta borgaryfirvöld vita, og eiginlega alveg nauðsynlegt,“ sagði Dagur við Rúv, spurður hvort hann hefði viljað fá upplýsingarnar fyrirfram.
Hann bætti við að vopnaburður lögreglu geti átt við þegar og ef tilefni sé til þess.
„Hvílir mikil leynd yfir þessu öllu“
Sex hafa greinst með listeríu
Skiptir miklu meira máli en fólk grunar
Krefjast stöðvunar framkvæmda
Tveir í bílnum sem lenti utan vegar
Banna mengandi búnað sem leyfður er á Íslandi
„Það þarf að vinna mikinn fjölda upp“
Handteknir eftir myndatöku í Vesturbæjarlaug