Mennirnir tveir sem grunaðir eru um að hafa orðið Arnari Jónssyni Aspar að bana miðvikudagskvöldið 7. júní hafa verið samvinnufúsir í yfirheyrslum að einhverju leyti. Engin ákvörðun hefur verið tekin um hvort farið verði fram á áframhaldandi gæsluvarðhald, en núgildandi varðhald gildir til 23. júní.
Fyrir nokkrum dögum var fjórum þeirra sem setið hafa í gæsluvarðhaldi sleppt en tveir eru enn í haldi lögreglu. Samkvæmt upplýsingum frá lögreglu gætu upplýsingar um banamein legið fyrir í þessar viku þegar niðurstöður úr blóðrannsóknum berast.
Þá er ekki búið komast til botns í því hver ásetningur mannanna hafi verið, þ.e. hvort þeir hafi ætlað að bana manninum eða ekki. Spurður hvort mennirnir hefðu verið samvinnufúsir svaraði Ævar Pálmi Pálmason lögreglufulltrúi:
„Þeir hafa verið að tjá sig í yfirheyrslum.“