Elín Margrét Böðvarsdóttir
Keppni er hafin í liðakeppni WOW Cyclothon 2017. Lið í bæði A- og B-flokki voru ræst af stað frá Egilshöll í kvöld þar sem stemningin var við völd. Veður var hið þokkalegasta þegar keppendur þutu af stað, skýjað og smá vindur en þurrt. Gleðin var við völd á planinu við Egilshöll áður en keppendur lögðu af stað, tónlistin glumdi og bros á hverri vör en þar var einnig saman kominn fjöldi fólks til að hvetja keppendur af stað.
Keppendur í einstaklingsflokki og í keppnisliðum Hjólakrafts hófu keppni frá Borgarnesi í gær en nú eru allir keppendur lagðir af stað í 1.358 kílómetra langan leiðangurinn umhverfis landið. Í A-flokki eru fjórir einstaklingar í liði en 10 manns skipa hvert lið í B-flokki.
Fylgjast má með í beinni útsendingu frá WOW Cyclothon hér að neðan.