Umhverfisstofnun telur að úrskurður úrskurðarnefndar umhverfis- og auðlindamála um að fella úr gildi starfsleyfi fyrir sjókvíaeldi í innanverðu Ísafjarðardjúpi gefi tilefni til að skýra nánar hlutverk einstakra stofnana hvað varðar fiskeldi. Þetta kemur fram á vef Umhverfisstofnunar.
Umhverfisstofnun bendir á að þau atriði sem tilgreind eru sem helstu neikvæðu áhrif fyrirhugaðs fiskeldis í innanverðu Ísafjarðardjúpi (aukin hætta á fisksjúkdómum) falla undir verksvið Matvælastofnunar. Ekki koma fram ábendingar um efnislega annmarka á starfsleyfi Umhverfisstofnunar, segir í frétt á vef UST.