Ábúð lunda í Vestmannaeyjum er nú með lélegasta móti. Rannsóknir Náttúrustofu Suðurlands sýna að ábúðarhlutfallið þar er aðeins 41%. Það þýðir að einungis hefur verið orpið í um fjórar lundaholur af hverjum tíu í Eyjum. Í fyrra var ábúðin þar 77%. Það er einungis í Dyrhólaey sem ábúðarhlutfallið er lægra en í Vestmannaeyjum eða 34%.
Tekið er fram á Facebook-síðu Náttúrustofunnar að ábúðarhlutfallið hafi verið kannað fyrr í vor en áður. Þess vegna getur ábúðarhlutfallið átt eftir að hækka, sérstaklega á Suðurlandi þar sem varp hefur byrjað seint undanfarin ár. Endanlegt ábúðarhlutfall þar fæst eftir