Talsverður viðbúnaður var hjá slökkviliði höfuðborgarsvæðisins vegna elds í þaki Hrafnistu við Hraunvang í Hafnarfirði á tólfta tímanum. Greiðlega gekk að slökkva eldinn, en iðnaðarmenn voru að störfum á þakinu þegar eldurinn kviknaði.
Að sögn varðstjóra rifu slökkviliðsmenn hluta klæðningar þaksins og reykræstu inni en litlar skemmdir urðu á húsnæðinu.