Björgunarsveitir Slysavarnafélagsins Landsbjargar á norðanverðum Vestfjörðum hafa verið kallaðar út fyrir vegna gönguhóps sem er í sjálfheldu á fjallinu Öskubak. Að minnsta kosti þrír hópar eru á leið á staðinn auk harðbotnabjörgunarbáts en skoða þarf hvort öruggara sé að komast að fólkinu frá landi eða sjó.
Þetta kemur fram í tilkynningu frá Landsbjörg. Fjallið er ekki langt frá Galtarvita þar sem sömu sveitir leituðu pars í nótt. Hópurinn sem telur fimm einstaklinga gat gert vart við sig og gefið upp GPS-staðsetningu sína.
Þá var Björgunarsveitin Höfn kölluð út rétt fyrir fimm í dag vegna tveggja einstaklinga sem höfðu fest sig í Skyndidalsá. Farið var að flæða inn í bílinn og þurftu einstaklingar að klifra upp á þakið. Björgunarsveitin fór á staðinn á tveimur bílum og sótti einstaklingana og ók þeim til Hafnar. Engan sakaði í óhappinu.