Kröfur BHM taka mið af kjararáði

Félagar í BHM á samstöðufundi
Félagar í BHM á samstöðufundi mbl.is/Ómar Óskarsson

„Að sjálfsögðu hafa ákvarðanir kjararáðs áhrif á kröfugerð aðildarfélaga BHM,“ segir Þórunn Sveinbjarnardóttir, formaður BHM, en 17 aðildarfélög BHM losna undan úrskurði gerðardóms um kjör félagsmanna í lok ágúst og verða aðildarfélögin þá með lausa kjarasamninga við ríkið.

Fjölmargir kjarasamningar losna í framhaldi af því næsta vetur. Aðildarfélög BHM hafa ekki tekið ákvörðun um samflot í viðræðulotunni sem fram undan er heldur verða viðræðurnar við ríkið á forræði hvers félags. Þó liggur fyrir að meginkrafa BHM-félaga er að menntun verði metin til launa.

Í fréttaskýringu um þetta efni í Morgunblaðinu í dag segir meðal annars, að búast megi við erfiðum kjaraviðræðum en bæði ríki og sveitarfélög hafa lýst því ákveðið yfir að þau ætli að halda sig innan þess kostnaðarramma sem lagður var með Salek-samkomulaginu á sínum tíma.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Fleira áhugavert
Fleira áhugavert