Segir rekstur hótelsins ekki í uppnámi
Setja bókamerki
Rekstur nýs hótels við Mývatn er ekki í uppnámi, að sögn Óskars Finnssonar, framkvæmdastjóra rekstrarsviðs Íslandshótela. Hótelið, sem var opnað um síðustu helgi, var mögulega reist án þess að fram færi nauðsynlegt umhverfismat.
Úrskurðarnefnd umhverfis- og auðlindamála felldi í dag úr gildi ákvörðun Skipulagsstofnunar um að ekki þyrfti að umhverfismeta hótelið en aðeins er um ár síðan framkvæmdir við það hófust. Hótelið stendur um 700 metra frá Mývatni.
Óskar vildi lítið tjá sig um málið þegar leitað var viðbragða hjá honum. „Rekstur nýs hótels er ekki í uppnámi,“ sagði Óskar og bætti við að hann myndi ekki tjá sig frekar um málið í dag. Eigendur hótelsins væru að fara yfir úrskurðinn.
Hótelið er á verndarsvæði Mývatns og Laxár og segir í tilkynningu frá Landvernd að samtökin muni krefjast tafarlausra aðgerða stjórnvalda til að tryggja megi ýtrustu umhverfisvernd vegna starfsemi hótelsins, í kjölfar úrskurðarins.
Starfsfólk gæti fengið reikning frá Skattinum
Kveðst tala af virðingu: „Ég er enginn dóni“
Mikil skjálftavirkni á landinu áhyggjuefni
„Tíminn er runninn út fyrir Kristján Loftsson“
Segir óábyrgt að skipta út öllu bankaráðinu
Þrjú og hálft ár fyrir skotárás í Úlfarsárdal
Aukin tíðni þungunarrofa hjá yngsta aldurshópnum