Neytendasamtökin boða félagsfund
Setja bókamerki
Stjórn Neytendasamtakanna hefur boðað til félagsfundar 17. ágúst næstkomandi. Á fundinum verður farið yfir stöðu mála og leitað eftir aðstoð og tillögum frá félagsmönnum að því er fram kemur í frétt á vef samtakanna.
Eins og mbl.is fjallaði um sagði stjórn samtakanna upp öllu starfsfólki í lok síðasta mánaðar í „ljósi aðstæðna“. Fram kom að það væri liður í endurskipulagningu og endurfjármögnun samtakanna. Vonast væri til að starfsfólk yrði endurráðið áður en uppsagnarfrestur rennur út.
Átök hafa verið innan samtakanna síðustu mánuði en í byrjun maí lýsti stjórnin yfir vantrausti á formanninn Ólaf Arnarson. Var það mat meirihluta stjórnar samtakanna að Ólafur hafi ítrekað leynt stjórnina upplýsingum og skuldbundið samtökin efnum framar.
Þá átti hann að hafa gengið til samninga um rekstur smáforrits með þeim orðum að það yrði samtökunum að kostnaðarlausu. Í ljós hafi hins vegar komið að smáforritið væri kostnaðarsamt. Þá mun Ólafur hafa látið leiðrétta laun sín afturvirkt og leigt bifreið sem hentaði ekki fjárhagsstöðu samtakanna.
Ólafur sagðist í samtali við mbl.is í síðasta mánuði hafna því alfarið að ákvarðanir hans hefðu skaðað samtökin. Þá hafi verið að finna samþykki stjórnar í fundargerðum vegna þeirra ákvarðana sem síðar hafi verið gagnrýndar.
Almannavarnir auka viðbúnað
Sárt að horfa upp á illa meðferð fjármuna
Færa slökkviliðið til nútímans
Unnu að fullum heillindum að kaupum á TM
Bjarkey stendur við skammarbréf Svandísar
Hæstiréttur staðfestir vanhæfi alls Landsréttar