Ólíklegt er að hópferð Íslendinga til Norður-Kóreu, sem fyrirhuguð var á vegum ferðaskrifstofunnar Trans-Atlantic í apríl næstkomandi, verði farin.

Í umfjöllun um mál þetta í Morgunblaðinu í dag segir Egill Örn Arnarson Hansen, starfsmaður ferðaskrifstofunnar, lítil viðbrögð hafa fengist við auglýsingum um ferðina. Það sé líklega vegna þess ótrygga ástands sem ríkir á Kóreuskaga.

„Við vorum búin að setja upp þá dagsetningu en það hafa verið voðalega lítil viðbrögð við því sem við höfum verið að auglýsa í kringum þetta,“ segir Egill. Áður hefur verið töluverður áhugi fyrir ferðum til Norður-Kóreu, sem Trans-Atlantic skipuleggur í samstarfi við ríkisrekna kínverska ferðaskrifstofu.

Tengdar fréttir

Norður-Kórea

Skutu langdrægu flugskeyti á loft

• Zhao heimsækir Norður-Kóreu
• Segir Kishida vilja funda með Kim Jong-un
• 12 ára þrælkunarvinna fyrir sjónvarpsgláp
• Heræfing nærri suðurkóreskri lögsögu

» Fleiri tengdar fréttir