Starfsmenn stofnana fengu sólarfrí

Nokkrar opinberar stofnanir hafa í dag veitt starfsfólki sínu svokallað sólarfrí, en á heitum sumardögum hefur slíkt stundum tíðkast undanfarin ár. Fengu starfsmenn í alla vega tveimur embættum að fara á hádegi í dag vegna veðurs. 

mbl.is hefur fengið staðfest að starfsfólk fjármálaráðuneytisins og embættis landlæknis hafi fengið sólarfrí í dag eftir hádegi, en opnað verður að nýju á morgun. Ekki er þó sama upp á teningnum hjá öllum ráðuneytunum og í mennta- og menningarmálaráðuneytinu, utanríkisráðuneytinu og atvinnuvega- og nýsköpunarráðuneytinu var til dæmis ekkert slíkt frí veitt í dag.

• 1 blogg um fréttina

Bloggað um fréttina

• Geir Ágústsson: Gott og slæmt