Talið er að fleiri arnarpör séu á Íslandi nú en nokkurn tíma í tíð núlifandi manna. Þetta sagði Kristinn Haukur Skarphéðinsson, sviðsstjóri dýrafræði hjá Náttúrufræðistofnun Íslands.
Kristinn er nýbúinn að fara í talningar- og eftirlitsflug með arnarstofninum, sem um er fjallað í Morgunblaðinu í dag.
Kristinn Haukur segir að arnarstofninn sé í hægum en öruggum vexti, eins og verið hafi undanfarna áratugi. Nú sé vitað um 76 arnarpör á Íslandi, en í fyrra hafi þau verið 74.
Arnarvarp hafi gengið misjafnlega eftir svæðum, en í heildina megi segja að það hafi gengið þokkalega. „Núna vitum við um 27 hreiður sem eru með 33 ungum og það er ríflega í meðallagi miðað við undanfarin ár,“ sagði Kristinn Haukur. 4