Gagnrýna kerfið með #höfumhátt
Setja bókamerki
Með myllumerkinu #höfumhátt gagnrýna Íslendingar stjórnvöld fyrir að hafa veitt Róberti Árna Hreiðarssyni, sem heitir nú Róbert Downey, uppreist æru. Þar minna þeir einnig á mikilvægi þess að krefjast breytinga í samfélagi þar sem enn sé langt í land í baráttunni gegn kynferðisofbeldi.
Bergur Þór Ingólfsson og Þröstur Leó Gunnarsson hvöttu svo, í pistil sínum í dag, samlanda sína til að hætta að setja ábyrgð á þolendur ofbeldis, spyrna frekar við fótum og hafa hátt. Leikararnir tveir hafa áður hvatt Íslendinga til að láta í sér heyra.
Pistli Karls Ágústs Úlfssonar leikara hefur einnig verið deilt undir myllumerkinu #höfumhátt. Pistillinn, sem heitir Til Jóns Steinars Gunnlaugssonar – #höfumhátt, snýr að ummælum lögmannsins um mál skjólstæðings hans, Roberts Downey.
mbl.is tók saman nokkrar færslur með myllumerkinu.
#Höfum hátt
Bergur Þór deilir mynd af Bjarna Benediktssyni forsætisráðherra, Sigríði Andersen dómsmálaráðherra og Guðna Th. Jóhannessyni, forseta Íslands, í gervi þríeykisins í Galdrakarlinum í Oz.
Píratar voru ekki lengi að taka þátt. Í tísti sínu hvetja þeir Íslendinga til að krefjast ábyrgðar af ráðamönnum.
Yfir 700 manns hafa mælt með færslu Láru Hönnu Einarsdóttur. Í henni deilir hún myndskeiði úr fréttum, þar sem einn þolandi Róberts kemur fram. Í færslunni segir Lára: „Þessi unga kona er hetja, ekkert minna.“
Leikkonan Halldóra Geirharðsdóttir deilir í Facebook-færslu sinni grein RÚV. Hún fjallar um neitun Héraðsdóms Reykjaness um að veita fréttastofu RÚV gögn um mál Downey. Í færslunni segir Halldóra: „Ég er ekki mikið fyrir samsæriskenningar... en eitthvað þolir ekki dagsljósið hérna.“
Halla Tómasdóttir, fyrrverandi forsetaframbjóðandi, þakkar Bergi Þór og Þresti Leó fyrir að vekja athygli á málefninu og varpa fram spurningunni „Í hvernig samfélagi viljum við búa?“ í pistli sínum í dag.
Steinunn Ólína Þorsteinsdóttir leikkona deildi pistli Karls Ágústs og vitnar í. Í pistlinum biður Karl Ágúst lögfræðinginn Jón Steinar að setja sig í spor foreldris sem eigi barn sem hafi orðið fyrir kynferðisofbeldi.
Kveðst tala af virðingu: „Ég er enginn dóni“
Starfsfólk gæti fengið reikning frá Skattinum
/frimg/9/40/940831.jpg)
Telur eyðsluna munu rjúka upp úr öllu valdi
Aukin tíðni þungunarrofa hjá yngsta aldurshópnum
Stóraukið fé til samgöngusáttmála
Segir óábyrgt að skipta út öllu bankaráðinu
Mikil skjálftavirkni á landinu áhyggjuefni
Hafa samþykkt kaup fyrir um 9,2 milljarða