Um kl. 5 í morgun hafði lögregla afskipti af manni sem sat í bifreið fyrir utan fjölbýlishús í hverfi 109 vegna gruns um að hann hefði á sér ávana- og fíkniefni. Við nánari athugun fundust meint fíkniefni í bifreiðinni en þar að auki var karlmaður með haglabyssuskot í bílnum.
Maðurinn gat ekki gert grein fyrir skotunum en á meðan lögregla ræddi við hann kom annar maður að bílnum, sem einnig reyndist hafa meint fíkniefni á sér. Mennirnir voru handteknir en leyft að fara eftir skýrslutöku.
Í sama hverfi var tilkynnt um sofandi karlmann á hópferðamistöð um kl. 9. Var maðurinn verulega ölvaður og látinn gista fangageymslur, þar sem hann var algjörlega óviðræðuhæfur og ekki fær um að vera meðal almennings.