Sjálfboðaliðar frá Húsvíkurdeild Rauða krossins auk áfallateymis frá Akureyri sinna starfsfólki Hótels Reynihlíðar en starfsmannahús sem stendur í nágrenni hótelsins brann í nótt.
Greint var frá því á mbl.is að eldur hefði komið upp í starfsmannahúsi Hótels Reynihlíðar á Mývatni um fjögurleytið í nótt. Húsið er talið ónýtt eftir eldinn, en nágranni sem varð eldsins var vakti þá starfsmenn sem voru þar inni úr fastasvefni.
Í tilkynningu frá Rauða krossinum kemur fram að fólkinu hafi einnig verið útvegaður fatnaður og öllu starfsfólki boðinn sálrænn stuðningur.
„Við báðum þau að koma og veita þeim áfallahjálp hjá okkur,“ segir Pétur Snæbjörnsson hótelstjóri en starfsmennirnir sjö munu gista á hótelherbergjum á næstunni. Hann segir að lögreglan sé enn að sé störfum í húsinu sem brann og að hann hafi ekki séð ástand þess enn.