Starfsemi kísilmálmsmiðju United Silicon í Helguvík er ekki farin af stað aftur eftir að 1.600 gráðu heitur kísilmálmur lak niður á gólf þegar ker sem verið var að tappa á yfirfylltist aðfaranótt mánudags. Sumarleyfi fyrirtækja sem þjónusta verksmiðjuna hafa áhrif á viðgerðir.

Frétt af mbl.is

Þjálfun slökkviliðsins skilaði sér

Að sögn Kristleifs Andréssonar, yfirmanns öryggis- og umhverfismála hjá United Silicon, var ákveðið að ráðast í endurbætur samhliða viðgerðum. „Það var ákveðið að breyta aðeins hönnun á töppunarbúnaðinum, nota tækifærið til þess að einfalda hann og gera hann skilvirkari,“ segir Kristleifur.

Einnig segir Kristleifur sumarleyfi hafa áhrif á gang mála. „Sumarleyfi hjá fyrirtækjum sem þjónusta okkur tefja þessar endurbætur og viðgerðir verulega,“ segir Kristleifur og bætir við að oft gangi hlutirnir aðeins hægar fyrir sig í júlí en vanalega. „Starfsemin er ekki komin í gang aftur og við ætlum bara að gefa okkur þann tíma sem þarf til þess að endurbæta búnaðinn og gera við,“ segir Kristleifur.

Tengdar fréttir

Kísilverksmiðja United Silicon í Helguvík

Óttast að kröfur fyrnist vegna seinagangs í rannsókn

• Dæmt til að borga 217 milljóna lán
• Arion segir þrjá kosti í stöðunni
• PCC skoðar kaup á kísilverksmiðjunni í Helguvík
• Gjaldþrotið byggir á 1,8 milljarða kröfu

» Fleiri tengdar fréttir

• 1 blogg um fréttina

Bloggað um fréttina

• Hallmundur Kristinsson: Hökt