Heilbrigðisráðherra hefur sent bréf þar sem óskað er eftir tilnefningum í samráðsvettvang um vímuefnamál.
Er það gert samkvæmt tillögu „Skýrslu heilbrigðisráðherra um mótun stefnu til að draga úr skaðlegum afleiðingum og hliðarverkunum vímuefnaneyslu, til aðstoðar og verndar neytendum efnanna og félagslegum réttindum þeirra, aðstandendum og samfélaginu í heild“.
Alþingi lýsti árið 2014 með ályktun vilja sínum til að endurskoða stefnu í vímuefnamálum og er skýrslan og framkvæmd tillagna hennar í samræmi við þá viljayfirlýsingu, að því er fram kemur í fréttaskýringu í Morgunblaðinu í dag.