Varðhald framlengt um fjórar vikur
Setja bókamerki
Maðurinn sem grunaður er um að hafa orðið Arnari Jónssyni Aspar að bana 7. júní síðastliðinn var úrskurðaður í áframhaldandi fjögurra vikna gæsluvarðhald í Héraðsdómi í morgun. Þetta staðfestir Grímur Grímsson aðstoðaryfirlögregluþjónn.
Sveinn Gestur Tryggvason mun því sæta gæsluvarðhaldi í að minnsta kosti tíu vikur en nú þegar eru sex vikur liðnar frá því hann var dæmdur í varðhald. Gefa þarf út ákæru innan tólf vikna frá því að menn eru dæmdir í gæsluvarðhald.
Grímur segir að rannsóknin sé langt komin, verið sé að hnýta síðustu enda málsins. Beðið er eftir síðustu niðurstöðum tæknirannsókna og hugsanlega þarf að yfirheyra meira vegna málsins.
Fimm aðrir voru upphaflega úrskurðaðir í gæsluvarðhald en þau eru enn grunuð um aðild að manndrápinu.
„Það þarf að vinna mikinn fjölda upp“
Kostnaður meiri en milljón á fermetra
Skiptir miklu meira máli en fólk grunar
Banna mengandi búnað sem leyfður er á Íslandi
Skar höfuðleðrið af íslenskri konu
„Á réttri leið en nokkuð í land ennþá“
Tveir í bílnum sem lenti utan vegar
Handteknir eftir myndatöku í Vesturbæjarlaug