„Í viðtölum við stelpurnar sögðust þær ætla að klára þetta með stæl. Það ætla stuðningsmennirnir líka að gera og vinna mótið í stúkunni.“
Þetta segir Þór Bæring hjá Gaman ferðum sem er með hóp Íslendinga í Hollandi að fylgjast með leikjum kvennalandsliðsins.
Eftir tapið gegn Sviss á laugardaginn, og jafntefli Frakka og Austurríkis þá um kvöldið, á Ísland ekki lengur möguleika á að komast áfram á EM. Síðasti leikur í riðlinum er gegn Austurríki í Rotterdam á miðvikudag. Þar er búist við fjölda stuðningsmanna Íslands, sem og fulltrúum frá Tólfunni, stuðningsmannaklúbbi landsliðsins.