Jarðskjálfti af stærðinni 4,5 varð í Kötlu nú á ellefta tímanum í kvöld. Skjálftinn fannst vel í Mýrdal og í Skaftártungu að sögn heimamanna.

Eru skjálftarnir sagðir hafa verið tveir, 4,5 og 3,2, en sérfræðingur Veðurstofunnar gaf stærð skjálftans nú fyrr í kvöld upp sem 3,7, en sú tala hefur nú verið uppfærð á vef Veðurstofunnar. 

Sérfræðingur á skjálftavakt Veðurstofunnar telur ekki ástæðu til að hafa áhyggjur af skjálftanum í Kötlu nú í kvöld. Töluvert alengt sé að Katla fari að hrista sig í júlí, þegar fer að hitna og jökullinn að bráðna.

Engin tengsl séu þá á millli skjálftans í Kötlu nú í kvöld og skjálftavirkninnar sem hefur verið á Reykjanesskaga í dag.

Tengdar fréttir

Skjálftahrina á Reykjanesskaga í júlí 2017

Skjálfti að stærð 3,2

• Yfir 500 skjálftar í hrinunni
• Þriðji stóri skjálftinn á Reykjanesskaga
• Skjálfta­hrinan stendur enn
• Skjálfti að stærð 4 við Fagradalsfjall

» Fleiri tengdar fréttir

• Blogga um frétt