Um 350 manns tóku þátt í leifturlýð (e. flash mob) í miðbæ Reykjavíkur í dag. Gjörningurinn var skipulagður af Götuleikhúsi Reykjavíkur og tóku skátar frá 60 löndum þátt í dansinum.
Atriðið nefnist „Annar dagur af sól“ og er vísun í upphafsatriði kvikmyndarinnar La La Land. Leikstjóri er Jón Gunnar hjá Götuleikhúsinu og danshöfundur Guðmundur Elías Knudsen.
Skátarnir sem tóku þátt í leifturlýðnum eru hér á stærsta skátamóti sem hefur verið haldið á Íslandi.
Ljósmyndari mbl.is var á staðnum og smellti af nokkrum skemmtilegum myndum.