„Maður þakkar heillastjörnum sínum“

„Undirbúningur, fagmennska og kjarkur voru uppskriftin að því sem gerði það að verkum að þetta óhapp endaði jafn vel og raun bar vitni,“ segir Morrie Piersol, einn þriggja skipverja sem voru um borð í bandarísku skútunni Valiant sem lenti í vand­ræðum suðvest­ur af Íslandi í lok júlí.

„Þetta var mikið erfiði og margt fólk hafði áhyggjur. Við erum  því afar þakklátir, mjög, mjög þakklátir,“ segir Piersol í viðtali við banda­ríska blaðið Richmond Times-Dispatch um lífsreynsluna. 

Piersol, sem hefur siglt allt sitt líf, hætti störfum sem leiklistarkennari í júní en hann varð 65 ára gamall í ferðinni. Samferðamenn hans tveir voru skipstjórinn Wesley Jones og Robert Forrest en allir eru þeir vanir siglingum. Fóru þeir allir í ferðalagið í leit að ævintýri. „En ég var ekki að vonast eftir svona miklu ævintýri,“ segir Piersol.

Sáu ekki eitt einasta skip

„Við gerðum allir bara það sem þurfti að gera í mjög erfiðum aðstæðum sem við réðum ekki við,“ segir Pierson sem vill taka fram að ekki hafi verið um að ræða neina hetjudáð þótt þeir hafi sloppið úr afar erfiðum aðstæðum.

Þeir lögðu úr höfn í Deltaville 1. júlí og hugðust koma við í Nova Scotia, á Nýfundnalandi, í Grænlandi og á Íslandi áður en þeir héldu til baka til Deltaville. Átti leiðangurinn að taka tvo mánuði.

Þeir þurftu þó að breyta áformum sínum vegna hafíss við Grænland og héldu því beint frá Nýfundnalandi til Reykjavíkur, þvert yfir Norður-Atlantshafið, og virtist sem þar væru þeir aleinir á ferð. „Við sáum ekki einn einasta bát. Við sáum ekki vöruflutningaskip. Við sáum aldrei fiskiskip,“ segir Pierson.

Sú staðreynd olli þeim áhyggjum þegar þeir loks lentu í vandræðum. Rignt hafði með köflum og verið nokkur vindur og þoka í nokkra daga áður en tók að hvessa og aðstæður urðu erfiðari. „Stormur,“ er orðið sem íslenska Landhelgisgæslan notaði yfir það að því er Piersol lýsir fyrir blaðamanni.

Skútan fór heilan hring

Það var á miðvikudagsmorguninn 26. júlí, næstum 300 mílur frá Íslandsströndum og höfðu skipverjar skipst á á þriggja klukkustunda vöktum. Það var komið að Piersol að vera á vakt á meðan hinir sváfu þegar stór alda skall á bátnum.

„Það eina sem við getum gert okkur í hugarlund er að ein af þessum stóru öldum hafi skollið á okkur. Hún skall ofan á bátinn og gjörsamlega hvolfdi honum í kaf. Kýraugun sprungu út á langhliðinni. Hún tók allt,“ segir Piersol.

„Það næsta sem þú veist er að þú ert að velta á hvolf og sjórinn hvolfist yfir þig. Hafið snéri bátnum á hliðina og loks á hvolf,“ lýsir Piersol. Sem betur fer hafi báturinn haldið áfram að snúast og loks komið aftur úr kafi. „Sem betur fer. Ef kjölurinn hverfur í slysi sem þessu, þá heldurðu áfram að vera á hvolfi og það hefði verið slæmt,“ segir hann.

Ætlar Pierson að veltan hafi ekki tekið nema þrjár til fjórar sekúndur. Þótt báturinn hafi loks aftur snúið rétt hafði hafið svo gott sem skolað öllu í burtu, þar á meðal mastrinu.

Sjórinn náði upp að hnjám

Ekki virtist þó vera komið gat á bátinn og þar af leiðandi minni hætta á að hann sykki. Mikill sjór var þó um borð í bátnum sem náði skipverjum upp að hnjám. Hófust þeir því handa við að ausa bátinn sem og að kasta gegnvotum farangri frá borði til að létta á skútunni. Það þjónaði einnig þeim tilgangi að skilja eftir sig slóð ef ske kynni að einhver kæmi að leita þeirra en þeir höfðu sent frá sér neyðarboð.

„Það var í lagi með okkur. Við vorum ekki dánir og við vorum ekki að sökkva,“ segir Piersol. „Þetta var ekki góð staða og maður velti fyrir sér hver útkoman yrði en enginn okkar var kominn á þann stað að segja: „Guð minn góður, það er úti um okkur.“ Það var ýmislegt sem þurfti að gera og það hélt okkur við efnið og hélt á okkur hita.“

Undu sjóinn úr fötunum

Kuldinn var það sem þeir óttuðust mest að sögn Piersols. Hættan á ofkælingu var raunveruleg. Þeir fóru úr fötunum, köstuðu í burtu öllu sem var úr bómull, undu sjóinn úr fötunum og klæddu sig aftur í eins mörg lög af fötum og mögulegt var.

Á svipuðum tíma og þetta var að gerast móttók íslenska Landhelgisgæslan neyðarboð frá skútunni og beindi skipi sem var í grenndinni í átt að skútunni. Þá var flugvél Isavia einnig send að skútunni og náðu skipverjar sambandi við áhöfn vélarinnar.

Var þeim sagt að þeim yrði bjargað eftir 20 mínútur en það var rannsóknarskipið Árni Friðriksson sem loks bjargaði þeim úr hremmingunum.

Margir deyja í björgunaraðgerðum

„Góðu fréttirnar voru þær að við sáum skipið og að okkur yrði bjargað,“ segir Piersol. „Slæmu fréttirnar voru hvernig í ósköpunum það ætti að virka? Það var risavaxið. Það var stórsjór,“ útskýrir Piersol.

„Ég hef lesið um það margoft… að fólk lifi af mikinn háska en deyi svo í björgunaraðgerðunum,“ bætti hann við.

Að höfðu samráði við skipstjóra Árna Friðrikssonar fóru þeir um borð í björgunarbát og úr björgunarbátnum fóru þeir með erfiðismunum upp kaðalstiga og um borð í skipið þar sem skipverjar Árna Friðrikssonar tóku á móti þeim. „Maður þakkar heillastjörnum sínum,“ segir Piersol. „Skipstjórinn var mjög fær.“

Um borð í Árna Friðrikssyni gátu þeir farið í sturtu, fengið þurr föt, mat og koju. „Þetta fólk var ótrúlegt,“ segir Piersol.

Ekki hættur að sigla

Á leiðinni til Íslands héldu skipverjar áfram rannsóknum sínum um borð þar sem Piersol og félagar fengu að fylgjast með. „Þetta var magnað,“ segir Piersol. „Við áttum tvo yndislega daga með frábæru fólki.“

Þremenningarnir voru loks sóttir í skipið sem ekki gat lagst að höfn í Grindavík og skýrsla tekin af þeim um það sem gerðist. Þeim var svo útvegað far til Reykjavíkur. Piersol gisti eina nótt á Íslandi og sneri svo heim en hinir tveir voru lengur og skoðuðu landið.

Kveðst Piersol hafa vitað að ferðin væri ekki hættulaus en þrátt fyrir uppákomuna sé hann þó hvergi hættur að sigla. Hyggjast hann og konan hans Carol til að mynda fá sér skútu til að sigla þegar þau eru komin á eftirlaun.

„Það hefur ekki breyst,“ segir Piersol. „En hvert ég fer á skútunni gæti breyst.“

mbl.is

Bloggað um fréttina

Innlent »

Tónleikaflóð fram undan

19:50 Lauslega talið á miðasölusíðunum midi.is og tix.is er þegar búið að auglýsa yfir þrjátíu jólatónleika, sem verða á dagskrá frá lokum nóvember og fram að jólum og fjöldi bætist væntanlega við á næstunni. Meira »

Horfurnar bestar á Íslandi

19:47 Hvergi eru horfur í ferðamannaiðnaði betri en á Íslandi. Þetta kemur fram í nýútgefinni skýrslu Global Data, þar sem rýnt er í horfur í ferðamannaiðnaði í 60 þróuðum löndum víðsvegar um heiminn. Meira »

„Ég er ósammála biskupi“

19:28 Séra Davíð Þór Jónsson, sóknarprestur í Laugarneskirkju, er ekki sammála ummælum Agnesar M. Sig­urðardótt­ur, bisk­ups Íslands. Agnes sagði í Morgunblaðinu í dag að siðferðislega væri ekki rétt að stela gögnum og fara á bak við fólk til að af­hjúpa mál og leiða sann­leik­ann í ljós. Meira »

Unnið að því að losa rútuna

18:47 Vegurinn við vest­ari af­leggj­ar­ann að Detti­fossi er enn lokaður en umferðaróhapp varð þar um miðjan daginn þegar rúta með ferðamenn um borð náði ekki beygju þar. Meira »

Bærinn tekur við rekstrinum í sumar

18:42 Vestmannaeyjabær mun taka við rekstri Herjólfs þegar ný ferja verður tekin í gagnið næsta sumar. Samningur þess efnis er á lokametrunum að sögn Jóns Gunnarssonar samgönguráðherra. Meira »

Sjálfstæðisflokkurinn fékk mest

18:26 Átta stjórnmálaflokkar fengu framlög upp á 678 milljónir á síðasta ári. Framlögin koma frá ríki, sveitarfélögum, fyrirtækjum, einstaklingum, auk annarra rekstrartekna. Sjálfstæðisflokkurinn fékk mest en Flokkur fólksins minnst. Meira »

Mörg sendiherrahjón fyrirmyndir

18:16 Pálmi Gestsson og María Thelma Smáradóttir, leikarar verksins Risaeðlurnar sem sýnt er í Þjóðleikhúsinu, segja að mörg sendiherrahjón séu fyrirmyndirnar að persónum hins grátbroslega gamanleiks eftir Ragnar Bragason. Meira »

Þrengt að umferð á morgun

18:17 Á morgun má búast við töfum á umferð á Hafnarfjarðarvegi. Þá þarf að þrengja að umferð á um 250 metra kafla, Akrahverfismegin í Garðabæ, vegna vinnu við hljóðmön. Það er veggur til að verja íbúabyggð fyrir umferðarhávaða. Meira »

Rætist úr spánni á kjördag

18:00 Útlit er fyrir milt veður á kjördag. Samkvæmt veðurspá frá Veðurstofu Íslands má búast við vestlægri eða breytilegri átt á landinu öllu á laugardag og sunnudag. Meira »

Vakan heldur blaðamannafund

17:16 Vakan, félagasamtök um aukna kosningaþátttöku ungs fólks, hefur boðað til blaðamannafundar í Smáralindinni á morgun. Efni fundarins eru tilmæli yfirkjörstjórnar Reykjavíkur norður til Vökunnar, um að það gæti brotið í bága við kosningalög að hvetja fólk til að taka af sér sjálfur á kjörstað. Meira »

Óljóst hvort farið verði gegn RÚV

16:56 Ekki hefur verið tekið ákvörðun um hvort Glitnir HoldCo ehf. fari fram á lögbann á fréttaflutning Ríkisútvarpsins af viðskiptum Glitnis. Ingólfur Hauksson segir í samtali við mbl.is að hann geti ekki staðfest eitt eða neitt og að hann vilji ekki tjá sig um fréttaflutning RÚV. Meira »

Fylgi Samfylkingarinnar dalar

16:47 Sjálfstæðisflokkurinn nýtur mests fylgis kjósenda samkvæmt nýrri skoðanakönnun MMR. Flokkurinn mælist með 22,9% fylgi. Fast á hæla hans fylgir VG með 19,9% fylgi. Munurinn er innan vikmarka en báðir flokkar mælast með meira fylgi en í síðustu könnun MMR. Meira »

Áfram í haldi vegna peningaþvættis

16:18 Hæstirétt­ur staðfesti í dag að níg­er­ísk­ur karl­maður skuli áfram sæta gæslu­v­arðhaldi vegna gruns um pen­ingaþvætti í febrúar í fyrra. Hæstiréttur staðfesti með dómi sínum dóm Héraðsdóms Reykjavíkur frá 19. október. Meira »

Rúta náði ekki beygjunni

15:56 Umferðaróhapp varð á Mývatnsöræfum við vestari afleggjarann að Dettifossi þegar rúta með ferðamenn um borð náði ekki beygjunni. Meira »

BL innkallar Dacia Duster

15:27 BL hefur tilkynnt um innköllun á Dacia Duster-bifreiðum, en ástæða innköllunarinnar er að möguleiki er á að flauta hætti að virka vegna spennumismunar. Meira »

„Fólk hefur sýnt okkur mikla ást“

16:07 Þakklæti er efst í huga níg­er­ísku hjónanna Sunday Iserien og Joy Lucky og dótt­ur þeirra Mary sem fengu dval­ar­leyfi af mannúðarástæðum hér á landi í morgun. Þau hafa dvalið hér á landi í eitt og hálft ár en í september var þeim gert að yfirgefa landið. Meira »

Samið um allt nema laun

15:47 Fjórtán aðildarfélög Bandalags háskólamanna, BHM og Samtaka atvinnulífsins, SA, undirrituðu í dag ótímabundinn kjarasamning sín á milli. Samningurinn byggir á fyrri kjarasamningi þessara aðila, frá árinu 2011, en er sérstakur að því leytinu til að ekki er þar samið um laun. Meira »

Hvað vilja flokkarnir í utanríkismálum?

14:37 Fríverslun, hernaðarbandalög og kjarnorkuvopn. Utanríkismálin eru kannski ekki mest í umræðunni í aðdraganda þingkosninga en engu að síður skiptir staða Íslands á alþjóðavettvangi miklu máli fyrir hagsmuni þjóðarinnar. Hvað vilja flokkarnir sem eru í framboði gera í þessum málum? Meira »

Skoðanakannanir

[ Nánar | Allar kannanir í CSV-skrá ]

Mátturinn eða dýrðin - Greinaflokkur

HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
Innfluttningur á enn betra verði
Getum útvegað allt frá Bretlandi á mun lægra verði sem viðkemur vinnuvélum, trak...
Toyota Corolla 2004
Keyrður um 179 þúsund km. Vetrardekk á felgjum fylgja. 300 þúsund eða tilboð. s...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
 
Samkoma
Félagsstarf
Samkoma kl. 20 í Kristniboðs- salnum. R...
Vélavörður
Sjávarútvegur
Vélavörður óskast! Vélavörð vantar á ...
Verkefnisstjóri
Stjórnunarstörf
Verkefnisstjóri Stjór...
Framhald uppboðs
Nauðungarsala
Uppboð Einnig birt á www.naudungarsolu...