„Skutlari“ grunaður um sölu áfengis

Bifreið var stöðvuð á gatnamótum Hringbrautar og Snorrabrautar á milli klukkan eitt og tvö í nótt. Ökumaðurinn er grunaður um fólksflutninga gegn gjaldi og sölu áfengis, og er í tilkynningu lögreglu sagður vera „skutlari“.

Fyrr um kvöldið, eða upp úr klukkan átta, var bifreið stöðvuð á Stekkjarbakka. Ökumaðurinn var handtekinn grunaður um akstur bifreiðar undir áhrifum lyfja eða róandi efna. Kom læknir á lögreglustöðina og mat ökumanninn óhæfan til aksturs, en hann var látinn laus að lokinni sýnatöku.

Þrjár bifreiðir til viðbótar voru stöðvaðar á höfuðborgarsvæðinu í gærkvöldi og í nótt, þar sem ökumennirnir eru allir grunaðir um ölvun við akstur.

Frétt af mbl.is

Bílstjórar vara við skutlurum

• 1 blogg um fréttina

Bloggað um fréttina

• Geir Ágústsson: Skutlarar ættu ekki að þurfa að vera lögbrjótar