Sprengingar fyrirhugaðar í september

Suðurverk flytur vinnubúðir vegna Dýrafjarðarganga.
Suðurverk flytur vinnubúðir vegna Dýrafjarðarganga. mbl.is/Helgi Bjarnason

Vonast er til að sprengingar hefjist í Dýrafjarðargöngum í byrjun september. Forskering, þar sem sprengdur er skurður inn í fjallið, hófst  17. júlí.

Að sögn Eysteins Jóhanns Dofrasonar, byggingatæknifræðings hjá Suðurverki, eru vinnubúðir á svæðinu komnar upp og í vikunni verður klárað að setja upp verkstæði, steypustöð og geymslur á svæðinu.

Um þrjátíu manns eru að störfum á staðnum, auk þess sem um tíu manns til viðbótar starfa við göngin.

Byrjað verður að sprengja Arnarfjarðarmegin og grafnir þaðan um 4 kílómetrar. Það sem upp á vantar á 5.300 metra löng göngin verður grafið úr Dýrafirði. Við bætast 300 metra vegskálar þannig að heildarlengd ganganna verður 5,6 kílómetrar.

mbl.is
Fleira áhugavert
Fleira áhugavert