Upplýsingafulltrú Reykjavíkurborgar kveðst skilja að framkvæmdir við Grensásveg valdi vegfarendum óþægindum og að tímasetning framkvæmdanna sé ekki sú besta.
Eins og greint var frá í gær eru Veitur að endurnýja stofnlögn vatnsveitu frá Háaleitisbraut meðfram Miklubraut að Sogavegi. 800 mm vatnslögn kemur þvert á Grensásveginn og eru lokanirnar vegna þess.
Lögreglan á höfuðborgarsvæðinu greindi frá lokuninni á Facebook-síðu sinni. Þar eru ökumenn beðnir um að gera ráðstafanir í leiðarvali. Búast megi við töfum vegna þessa, sérstaklega þegar skólar hefjast aftur.
Samkvæmt Jóni Halldóri Jónassyni, upplýsingafulltrúa Reykjavíkurborgar, gerðu áætlanir Veitna ráð fyrir því að vinnu yrði lokið eigi síðar en 11. ágúst.
Vegna tafa á afhendingu efnis hafi það hins vegar reynst ógerlegt og því sé nú stefnt að því að verkinu ljúki fyrir 28. ágúst.