Velferðarráð Reykjavíkurborgar samþykkti á fundi sínum í gær að auka framboð á félagslegu húsnæði til samræmis við húsnæðisáætlun Reykjavíkurborgar.
1.081 einstaklingur er á biðlista eftir félagslegu húsnæði í Reykjavík. Þar af eru 782 metnir í mikilli þörf og 299 í þörf fyrir slíkt húsnæði.
Ýmsar leiðir verða farnar til að auka framboð. Keyptar verða eins til tveggja herbergja íbúðir á almennum markaði. Átak verður gert í fjölgun íbúða fyrir barnafólk. Fleiri íbúðir verða leigðar og keyptar á almennum markaði og átak gert í skammtímalausnum.