Meira en fjórtán þúsund manns tóku þátt í Reykjavíkurmaraþoni í miðborg Reykjavíkur í dag. 1.490 hlupu heilt maraþon, 2.963 voru skráðir til leiks í hálfu maraþoni og 6.747 hlupu tíu kíló­metra. 1.835 tóku svo þátt í skemmt­iskokki og tæp­lega 1.200 í furðufata­hlaupi Georgs.

Á síðunni Hlaupastyrkur.is safna þátttakendur Reykjavíkurmaraþons áheitum og þar má sjá að þegar hafa safnast yfir 111 milljónir króna. Enn er hægt að leggja góðu málefni lið í gegnum síðuna. 

Árni Sæberg, ljósmyndari mbl.is, myndaði hlauparana í morgun og sjá má myndirnar hér að neðan.

mbl.is óskar öllum sem tóku þátt til hamingju með sinn árangur.