„Það er grafalvarlegt mál að sveitarfélög skuli ekki fara eftir lögum og skuli ekki skipuleggja sig og skila inn brunavarnaáætlunum,“ segir Björn Karlsson, forstjóri Mannvirkjastofnunar.
Einungis eru samþykktar brunavarnaáætlanir í gildi í 25 sveitarfélögum landsins, en ellefu slökkvilið með starfssvæði í 22 sveitarfélögum hafi ekki lokið við gert brunavarnaáætlana. Þetta kemur fram í svari Bjartar Ólafsdóttur, umhverfis- og auðlindaráðherra, við fyrirspurn Vilhjálms Árnasonar, þingmanns Sjálfstæðisflokksins.
Í svari ráðherra segir enn fremur að brunavarnaáætlanir hafi víða ekki verið endurskoðaðar með reglubundnum hætti, eins og lög um brunavarnir kveða á um. Í umfjöllun í Morgunblaðinu í dag segir segir Björn þetta alvarlegt mál.