69 ábendingar um óþef á einum degi

Kísílverksmiðjan United Silicon stendur í Helguvík. Íbúar í nágrenni hennar ...
Kísílverksmiðjan United Silicon stendur í Helguvík. Íbúar í nágrenni hennar hafa kvartað ítrekað undan lyktarmengun. mbl.is/Sigurður Bogi

Yfir 400 ábendingar um meinta lyktarmengun frá kísilveri United Silicon í Helguvík hafa borist Umhverfisstofnun í ágúst. Um tugur ábendinga barst í dag en í gær voru þær margfalt fleiri eða 69.

Slökkt var á ofni verksmiðjunnar á miðvikudag í síðustu viku vegna þess að skaut í honum, sem notað er við framleiðslu kísilmálms, seig. Kvartanir undan lyktarmengun héldu þó áfram að berast og það í miklum mæli síðustu daga. Upplýsingafulltrúi fyrirtækisins segir að lykt geti borist frá verksmiðjunni í 1-2 sólarhringa eftir að slökkt sé á ofninum. En í gær, þegar liðin var tæp vika, bárust tugir kvartana til Umhverfisstofnunar. Starfsmaður hennar fór að verksmiðjunni í fyrradag og staðfesti að þar væri lykt að finna. Hvað veldur henni er hins vegar enn á huldu en niðurstöðu sértækra mælinga á loftgæðum er að vænta innan skamms.

Uppkeyrsla ofnsins í United Silicon hófst að nýju í gærkvöldi. Hún tekur að minnsta kosti 1-3 sólarhringa. Á meðan henni stendur er hætta á lyktarmengun að sögn Kristleifs Andréssonar, upplýsingafulltrúa fyrirtækisins. Spurður hvort ólyktin sem íbúar í Reykjanesbæ hafa kvartað yfir síðustu sólarhringa tengist starfsemi fyrirtækisins segir hann að eftir að slökkt sé á ofninum geti lykt lagt frá honum í um 1-2 sólarhringa. „En svo berst ekkert frá ofninum eftir það.“ Kristleifur segist skilja vel að fólk sé ekki ánægt með lyktina. „Ég skil það fullkomlega.“

Nýtt skaut í bakstri

Í kjölfar þess sem gerðist í síðustu viku þarf að „baka“ nýtt skaut í ofninum. Það er gert hægt og rólega. „Á meðan þessum uppkeyrslufasa stendur eru líkur á lykt,“ segir Kristleifur. Hann segir það skýrast af því að ofninn sé á lágu álagi á meðan þessu ferli stendur.

Starfsmaður Umhverfisstofnunar fór að verksmiðjunni í Helguvík í fyrradag og þá var þar lykt að finna. „Það er því ekki ólíklegt að lyktin sem hefur verið kvartað yfir sé frá þeim, þó að þá hafi verið komnir sex dagar frá því að slökkt var á ofninum,“ segir Einar Halldórsson, sérfræðingur hjá Umhverfisstofnun. Hann segir þó ekki hægt að útiloka að lyktin eigi sér einnig önnur upptök. Gott veður hefur verið á Reykjanesi síðustu daga, logn og sólríkt. Þá er fólk meira úti við og einnig gætu vindáttir haft sitt að segja um þá lykt sem berst íbúum í Reykjanesbæ.

Frekari rannsóknir 

Mengandi efni í skaðlegum mæli hafa ekki mælst frá verksmiðju United Silicon. Það segir þó ekki alla söguna því mögulega eru efni í loftinu sem hafa einfaldlega ekki verið mæld. „Það er verið að gera allar mælingar sem þarf en það er ljóst að það er eitthvað sem veldur þessari lykt,“ segir Einar.

Nú er verið að reyna að fá það staðfest, m.a. með rannsóknum sem norska loftgæðastofnunin NILU hefur gert. Í þeim voru rokgjörn lífræn efnasambönd í andrúmsloftinu mæld, efni sem losna í framleiðsluferli en eyðast við ákveðnar aðstæður, s.s. mjög háan hita. Þegar ofn verksmiðju á borð við United Silicon er í fullri keyrslu eyðast efnin en sé hiti í ofninum ekki nægur geta þau farið út í andrúmsloftið.

Niðurstaðna mælinganna er að vænta innan skamms.

Kristleifur segir að þegar búið verði að keyra ofninn upp að nýju hefjist framleiðsla kísilmálms í verksmiðjunni á ný.

Annað kvöld standa samtök sem kalla sig Andstæðingar stóriðju í Helguvík fyrir íbúafundi vegna United Silicon. Fundurinn fer fram í Hljómahöllinni og hefst kl. 19.

mbl.is

Innlent »

„Mér finnst þið sýna hressandi kjark“

Í gær, 22:52 Katrín Júlíusdóttir, fyrrverandi varaformaður Samfylkingarinnar, segir Vinstri græn sýna hressandi kjark með því að fara í stjórnarmyndunarviðræður með Sjálfstæðisflokknum og Framsóknarflokknum. „Mér finnst þið sýna hressandi kjark sem vonandi hristir upp í þessu.“ Meira »

Skylt að veita aðgang að eldri prófum

Í gær, 22:04 Háskóla Íslands er skylt að veita nemanda skólans aðgang að eldri prófum í námskeiði við skólann, að því er fram kemur í úrskurði Úrskurðarnefndar um upplýsingamál, sem kveðinn var upp þann 2. nóvember en birtur var í gær. Skólinn hafði áður synjað beiðni nemandans þess efnis. Meira »

Veruleg óvissa um framhald atburðarásar

Í gær, 22:01 Ljóst er að verulegur jarðhiti er kominn upp í öskju Öræfajökuls en ekki eru nein merki að eldgos sé að hefjast. Veruleg óvissa er þó um framhald þeirrar atburðarásar sem nú er í gangi, að segir í tilkynningu frá Veðurstofu Íslands. Stöðufundur var haldinn um Öræfajökul á Veðurstofunni í kvöld. Meira »

Syngur í Tosca í 400. skiptið

Í gær, 21:07 Síðasta sýningin á óperunni Tosca fyrir áramót verður í Hörpu í kvöld, en það er 400. sýning Kristjáns Jóhannssonar óperusöngvara í hlutverki Cavaradossi málara. Kristján hefur sungið hlutverkið víða um heiminn síðan 1980. Meira »

Ógn fylgi innflutningi á fersku kjöti

Í gær, 20:37 Karl G. Kristinsson, yfirlæknir á sýkla- og veirufræðideild Landspítalans, segir ómetanlegt að á Íslandi sé minnst sýklalyfjaónæmi af löndum Evrópu, eins og árleg skýrsla Evrópsku sóttvarnarmiðstöðvarinnar sýnir. Meira »

Björn Lúkas tapaði úrslitabardaganum

Í gær, 20:12 Bardagamaðurinn Björn Lúkas Haraldsson tapaði úrslitabardaganum sínum á heimsmeistaramóti áhugamanna í MMA í dag. Svíinn Khaled Laallam reyndist of sterkur og fór með sigur af hólmi. Björn Lúkas fer hins vegar með silfrið heim. Þetta kemur fram á Meira »

Lambastelpa lét ekki stoppa sig

Í gær, 19:13 Þau ætluðu ekki að trúa sínum eigin augum þegar hún kom í leitirnar, eftir að hafa verið týnd í tvo og hálfan mánuð. Klóka kindin Ukulele lambastelpa er frekari en nokkru sinni fyrr og vill ei vera í fjárhúsi. Meira »

Sex fengu 100 þúsund krónur

Í gær, 19:34 Enginn miðhafi var með allar tölur réttar í Lottó þegar dregið var út kvöld og verður potturinn því tvöfaldur í næstu viku. Þrír miðaeigendur skiptu hins vegar með sér bónusvinningi kvöldsins og hlýtur hver um sig rúmlega 101 þúsund krónur. Meira »

Telja himin og jörð ekki að farast

Í gær, 18:33 Jarðvísindamenn voru við mælingar á Öræfajökli í dag og mældu meðal annars nýjan sigketil sem hefur myndast í öskju jökulsins síðustu daga. Ketillinn er um einn kílómetri í þvermál, en Magnús Tumi Guðmundsson jarðeðlisfræðingur segir það hafa komið í ljós að ketilinn sé um 15 til 20 metra djúpur. Meira »

„Þetta er algjör draumur“

Í gær, 17:40 Úthlutað var úr Styrktarsjóði Svavars Guðnasonar listmálara og Ástu Eiríksdóttur eiginkonu hans við athöfn í Listasafni Íslands í dag og hlutu tveir ungir myndlistarmenn styrki, þau Fritz Hendrik Berndsen og Katrín Inga Jónsdóttir Hjördísardóttir. Meira »

35,11% vefsíðna komnar aftur í gagnið

Í gær, 17:29 Samkvæmt Merði Ingólfssyni, framkvæmdastjóra 1984 ehf. hefur 35,11% þeirra vefsíðna sem fyrirtækið hýsir verið komið aftur í gagnið eftir kerfishrunið sem varð á miðvikudag. Á morgun vonast hann til að hlutfallið verði komið upp í 50% og að á mánudag verði allar vefsíðurnar komnar upp. Meira »

Fresta stofnfundi nýs stéttarfélags

Í gær, 16:57 Ákveðið hefur verið að fresta stofnfundi nýs Stéttarfélags, Sambands íslenskra flugliða, sem flugfreyjur- og þjónar hjá WOW air hugðust stofna. Erla Pálsdóttir forsvarsmaður undirbúningsnefndarinnar, segir í tilkynningu sem hún sendi frá sér fyrir skömmu, þetta sé gert vegna breyttra aðstæðna. Meira »

Stella hreint ekki í orlofi

Í gær, 16:32 Heiða Rún Sigurðardóttir kom heim til að leika titilhlutverkið í glænýjum glæpaþáttum um hina úrræðagóðu Stellu Blómkvist. Hún segir hlutverkið safaríkt og kærkomna tilbreytingu frá búningadramanu Poldark. Meira »

„Staðan er brothætt“

Í gær, 15:55 „Mér finnst við ekki standa illa. Við stöndum þokkalega en staðan er brothætt,“ segir dósent við menntavísindasvið HÍ um læsi grunnskólabarna. Þetta kom fram í erindi sem hann hélt á ráðstefnunni Lestur er lykill að ævintýrum. Meira »

Brotist inn í íbúðarhús á Selfossi

Í gær, 14:58 Lögregla á Selfossi handtók í morgun mann sem grunaður er um innbrot. Brotist var inn í íbúðarhús á Selfossi snemma í morgun og kom húsráðandi að manninum. Meira »

Rafleiðni í Múlakvísl eykst áfram

Í gær, 16:31 Rafleiðni í Múlakvísl á Mýrdalssandi heldur áfram að aukast og samkvæmt nýjustu mælingum sem gerðar voru í dag mælist rafleiðnin 560 míkrómens/cm. Meira »

Óku út af á stolnum bíl

Í gær, 15:12 Tilkynnt var um útafakstur rétt austan við Bitru í nótt. Þegar lögreglan kom á staðinn reyndist um stolinn bíl að ræða.  Meira »

Illa brotnar en ekki í lífshættu

Í gær, 14:38 Erlendu konurnar tvær sem lentu í árekstri við snjóruðningstæki við Ketilstaði á Þjóðvegi eitt á Suðurlandi á fimmtudag eru ekki lífshættulega slasaðar. Konurnar brotnuðu þó engu að síður báðar tvær illa samkvæmt upplýsingum frá lögreglunni á Suðurlandi. Meira »

Mátturinn eða dýrðin - Greinaflokkur

Stofuskápur úr furu til sölu.
Skápur úr furu ,hentar vel í sumarbústaðinn 9000 þúsund kr., hæð 200 cm, breidd...
Heimili í borginni- www.eyjasolibudir.is
Fallegar 2-3ja herb. íbúðir fyrir fjölskyldur og erlenda ferðamenn . ALLT til AL...
Tek að mér húsaviðhald
Tek að mér ýmiskonar húsaviðhald o.fl. fyrir jólin. Uppl. í síma 847 8704 mannin...
 
Félagsstarf
Staður og stund
Aflagrandi 40 Opin vinnustofa kl. 9 og f...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Félagsstarf
Staður og stund
Aflagrandi 40 Við byrjum daginn á opnu v...
Félagsstarf
Staður og stund
Aflagrandi 40 Opin vinnustofa kl. 9 og j...