Slasaðist á svifdreka við Hafravatn

Slökkviliðið á höfuðborgarsvæðinu var kallað út um sexleytið í kvöld til að aðstoða svifdrekaflugmann sem slasaðist í Hafrahlíð fyrir ofan Hafravatn.

Að sögn slökkviliðsins slasaðist maðurinn er hann var að reyna að koma svifdrekanum á loft. Meiðsl hans eru þó ekki talin alvarleg og sagði slökkviliðsmaður á vakt manninn mögulega hafa sloppið við beinbrot. Hann var þó fluttur með sjúkrabíl á Landspítalann til frekari aðhlynningar.

• Blogga um frétt